MERKEL RIEDET TQAĊĊAT LIL BERLUSCONI ?

Matul il-ġurnata l-media Taljana u mhux biss, kienu mimlija rapportati ta' dak li l-Wall Street Journal Amerikan, fl-edizzjoni tal-ġurnal għall-Ewropa allegat dwar telefonata li l-Kanċillier Ġermaniża Angela Merkel għamlet lejla waħda f'Ottubru lill-President Taljan Giorgio Napolitano. Skond il-WSJ Merkel insistuiet ma' Napoliatno li jekk Berlusconi ma kienx se jibdel s-sitwazzjoni mwiergħa tal-Italja, allura għandu jinbidel il-Prim Ministru. Dan bl-iskop li tiġi salvata l-munita Ewropa.

L-uffiċju tal-President Taljan ċaħad li waqt dik il-laqgħa saret xi pressjoni fuqu minn Merkel, filwaqt li Merkel innifisha, sakemm qed nikteb, għadha ma qalet xejn.

Minn naħa tiegħu Berlusconi sejjaħ ir-rapport tal-WSJ bħala "fantasija pura" . Hu sostna li rriżenja minn jheddu f'sens għoli tiegħu tal-istat, u minħabba s-swieq finanzjarji internazzjonali, u biex jiddefendi lill-Italja mill-ispekulazzjoni, u t-tifdil tal-familji Taljani.

Fil-messaġġ tiegħu Berlusconi ċaħad ukoll li l-kawża tal-kriżi kienet l-Itaklja jew il-gvern tiuegħu, iżda kienet, u għadha l-Ewro, u prova ta' dan huwa l-fatt li li-spread bejn it-titoli di stato tal-Itajja u r-riferimenti   Ġermaniżi baqa' dejjem jikber minkejja li nbidel l-gvern Taljan.

__________________________________________________________________________________

  TIMOXENKO TINĠARR FUQ STREĊER F'ĦABS IEĦOR

Il-Kap tal-Oppożizzjoni fl-Ukrajna Julja Timoxenko il-bieraħ bil-lejl inġarret għal van li mill-ħabs preventiv f'Kiev – fejn kienet qed tistenna, marida, is-sentenza għall-appell – ħadha f'ħabs ieħor, kolonja penali għall-kriminali nisa f'Karkiv.

Dan wassal għall-protesti mhux  biss mill-avukati tagħha, iżda minn imkejjen internazzjonali, fosthom ir-Rappreżentanta għall-Affarijiet Barranin tal-Unjoni Ewropea Catherine Ashton, u l-President tal-Partit Popolari Ewropew Wilfrid Martens. "X'imiss issa", staqsa Martins fuq Twitter, "ħabs b'xogħol iebes?"

Rebbiegħa tal-Libertà fl-Asja ? (2)

KAŻAKSTAN: IKEĊĊI LIŻ-ŻGĦAR ...U L-KBARAT JIBQGĦU HEMM

Wara li l-protesti ta' ġimgħa ilu minn ħaddiema f'kumpanija parastatali taż-żejt fil-Każakstan fl-Asja Ċentrali rriżultat f'16 mejta u madwar 110 feruti wara li l-pulizija u l-armata sparaw fuq id-dimostranti f'Zanawzen u Aktaw, il-president awtoritarju Nursultan Nażarbajev il-bieraħ żar dawk l-ibliet fejn ħabbar li kien keċċa lill-uffiċjali tal-kumpanija li fuqhom xeħet il-ħtija ta' dak li nqala'  minħabba li naqsu li jieħdu azzjoni biex jevitaw l-inkwiet industrjali li wassal għall-protesti.
Nażarbajev iddikjara li dawn m'obdewx l-ordnijijiet li kien tahom biex isolvu t-tilwim industrjali bla dewmien. Qal ukoll li jqies it-tkeċċija ta' ħaddiema li kienu qed jistrajkjaw bħala "illegali", u t-talbiet tal-ħaddiema "sostanzjati".
Wiegħed ukoll li se jsibilhom impjiegi ġodda bl-istess pagi.
Hu keċċa wkoll lill-gvernatur reġjonali, iżda minfloku poġġa lill-Ministru tal-Intern, l-istess bniedem li kellu jissorvelja lill-qawwiet tas-sigurtà  li fetħu  n-nar fuq dawk li kienu qed jipprotestaw.
Infatti l-uffiċjali għolja tas-sigurtà baqgħu kollha jokkupaw il-karigi li kellhom, filwaqt li Nażarbajev ħabbar li stieden lin-Nazzjonijiet Uniti biex jieħdu sehem fl-investigazzjonijiet li se jsiru dwar l-inċidenti ta' ġimgħa ilu.
Osservaturi però staqsew x'jiġri jekk mill-investigazzjonijiet jirriżulta li l-qawwiet tas-sigurtà huma ħatja?  Nażarbajev jasal biex ikeċċihom u jitlef l-appoġġ tas-servizzi tas-sigurtà tant vitali għalih biex jikkontrolla l-kontestazzjoni interna? Jew l-investigazzjoni se tkun biss xeneġġjata?

Hawn taħt filmat miġbud minn gallarija b'ċellulari li juri lill-pulizija speċjali jisparaw, joqltu, jferu u jsawwtu bil-lembubi lill-feruti, bil-kummenti, maqluba bl-Ingliż,  ta'  min qed jiffilmja:

-----------------------------------------------------------------------------------------------------------------------------------

BERLUSCONI TOTALMENT INNOĊENTI

"Berlusconi huwa totalment innoċenti, m'għandu x'jaqsam xejn ma' din l-istorja tas-600,000 Dollaru, nitolbu jiskużani għall-problemi kollha li ħloqtlu, nispera li matul dan il-ġuri joħroġ ċar li dak kollu li qed tgħid l-akkuża m'għandu l-ebda bażi".
Dan il-kliem ddikjarah l-avukat Ingliż David Mills quddiem il-maġistrati ta' Milan, xhud ewlieni f'wieħed mill-ħafna ġurijiet li qed ikollu jħabbat wiċċu magħhom l-eks Prim Ministru Silvio Berlusconi.
F'dan il-ġuri Berlusconi kien akkużat li ħallas dik is-somma lil  Mills talli hu jixhed favurih f'xi kawżi li kellu fis-Snin Disgħin.
Mills ilmenta kif il-Prim Imħallef  ma ħallihx iwieġeb għall-unika mistoqsija li kellu jwieġeb, ċjoè minn fejn ġew is-600,000 Dollaru għandu".

Persekuzzjoni Politika fl-Ukrajna (9)

ULTIMATUM MILL-UE LILL-PRESIDENT TAL-UKRAJNA

Il-qoxra ta' quddiem tal-magażin Korrespondent
li nnomina lil Timoxenko "Persunaġġ
tas-Sena 2011"

Filwaqt li llum l-Qorti tal-Appell fil-kapitali Ukrajna Kiev rrifjutat l-appell tad-difiża sabiex tinħeles l-Kap tal-Oppożizzjoni Julia Timoxenko warta li kkunsidrat il-każ fl-assenza tagħha, Viktor Yanukoviċ qed jiġi mwissi mill-mexxejja tal-Unjoni Ewropea li jew jeħles lill-membri tal-oppożizzjoini mill-ħabs, minn ta' quddiemnett Timoxenko, iħares l-libertajiet tal-media u ma jbagħbasx fl-elezzjonijiet parlamentari tas-sena d-dieħla, jew inkella jistà jinsa' rbit aktar mill-qrib mal-UE.
Dan il-messaġġ iebes twassal lill-president awtoritarju waqt summit li sar f'Kiev din il-ġimgħa permezz tal-President tal-UE Herman Van Rompuy, li ppreżentah b'għażla ċara u perjodu ta' żmien daqstant ċar.
Infatti Van Rompuy qallu li l-elezzjonijiet parlamentari ta' Ottubru tas-sena li ġejja se jkunu test deċiżiv u indikattiv.
Is-summit suppost kellu jkun il-qofol ta' snin ta' ħidma li jwassal għal ftehim ta' suq ħieles u sħubijka politika tal-Ukrajna fl-UE. Iżda dan kollu ntefa' lura hekk kif l-Ukrajna bdiet titbiegħed mid-demokrazija, mil-libertà tal-media u s-saltna tal-liġi (rule of law) f'dawn l-aħħar sentejn ta' amministrazzjoni ta' Yanukoviċ.
Hekk kif semmew l-preokkupazzjoni tal-UE dwar ġustizzja motivata politikament fil-pajjiż, diversi analisti jħossu li l-parteċipazzjoni ta' Timoxenko u wkoll l-eks Ministru Lutsenko fl-elezzjoni ta' Ottubru huma kundizzjonijiet serji għall-aħħar għall-UE.
Sadanittant l-avukati ta' Timoshenkho se jressqu l-każ tagħha quddiem il-Qorti Ewropea tad-Drittijiet tal-Bniedem.
Din il-ġimgħa wkoll il-magażin influwenti Ukren ta' kull ġimgħa Korrespondent innomina lil Timoxenko bħala l-Persunaġġ tas-Sena, għax fl-opinjoni tad-direzzjoni, l-arrest tagħha kien l-aktar avveniment importanti li seħħ fil-pajjiż, u se jiddetermina l-iżvilupp intern u l-politika barranija tal-Ukrajna  għas-snin li ġejjin, fllwaqt li kabbar mill-ġdid il-popolarità ta' Timoxenko.

Rebbiegħa tal-Libertà fl-Asja ?

TIBDA TISĦON IL-QIEGĦA FIL-KAŻAKSTAN

Sa' ftit ilu r-Repubblika tal-Każakstan qajla kienet tinstema' fl-aħbarijiet, u kienet meqjusa bħala mudell ta' stabbilità fl-Asja Ċentrali. Iżda dak li seħħ l-bieraħ u llum qed jikxef li dik l-istabblità, dik il-kalma, kienet aktar waħda tixbaħ dik f'ċimiterju, f'din l-eks repubblika Sovjetika, sinjura biż-żejt, iżda li ilha aktar minn 20 sena maħkuma minn Nursultan Nazarbajev li kien ukoll l-aħħar President tar-Repubblika fi żmien li l-pajjiż kien satellita tar-Russja Komunista.

Wieħed mill-11-il vittma tal-inċidenti tal-bieraħ f'Zanawzen,
li x'aktar miet wara li ttajjar minn vettura militari

F'Mejju li għadda eluf ta' ħaddiema  ta' kumpanija parastatali taż-żejt ħarġu fuq strajk li għadu sejjer għal titjib fil-pagi u kundizzjonijiet, hekk kif din is-sena tkeċċew 989 ħaddiem, u f'dawn is-sena xhur il-gvern irrifjuta li jiddjaloga magħhom, minkejja li żewġ bjar taż-żejt kbar għamlu żmien twil paralizzati.
F'pajjiż fejn il-protesti huma rari, l-inkwiet beda meta l-ħaddiema marru jipprotestaw fi pjazza kbira fil-belt ta' Zanawzen fil-punent tal-pajjiż f'reġjun taż-żejt, madwar 150 kilometru l-bogħod mill-Baħar Kaspju, fejn il-gvern kien se jiċċelebra b'party kbir l-20 anniversarju tal-indipendenza tal-pajjiż mir-Russja.
Id-dimostranti attakkaw u qerdu palk kbir mħejji għaċ-ċelebrazzjoni, xeħtu l-apparat tas-sound għal isfel u tawh in-nar, kif għamlu lil siġra ġganteska tal-Milied u stands lesti għall-ikel. Xarabank u karrozza tal-pulizija nġarqu wkoll, u nirien u dħaħen kbar dehru wkoll ħerġin mill-muniċipju tal-belt u l-kwartier tal-kumpanija taż-żejt.
Ma damux ma waslu trakkijiet mimlija suldati u inġenji tal-pulizija, u bdew jinstemgħu tiri ta' armi tan-nar bir-riżultat li 11-il ruħ inqatlu, 86 feruti, fosthom sitt pulizjotti, u madwar 79 ruħ sfaw arrestati, skond stqarrija tal-Prokoratur Ġenerali. L-oppożizzjoni u rappreżentanti tat-trejd unjon indipendenti Aktau isostnu li n-numru tal-vittmi u feruti huwa ikbar (mill-inqas 150) u jinkludu anki tfal, hekk kif is-suldati u l-pulizija bdew jisparaw bl-addoċċ fuq in-nies, għalkemm dawn ir-rapporti ma setgħux jiġu konfermati.
Infatti malli faqqa' il-ġlied l-elettriku, mobiles u l-aċċess għall-internet fil-belt inqatgħu.
Iżda l-istazzjon indipendenti K Plus TV, li s'issa għadu jxandar (u li minn fuqu ħadt dawn ir-ritratti) qed juri sekwenzi drammatiċi tal-inċidenti.
Il-President Nazarbajev f'xandira televiżiva ikkundanna l-inċidenti u filwaqt li qal li ma jemminx li l-ħaddiema wettqu l-vjolenza (minkejja li dawk qed jipprotestaw fil-filmati jidhru lkoll lebsin l-uniformi tax-xogħol), iżda 'briganti', iddikjara stat ta' emerġenza u curfew  ta' 20 jum (sal-5 ta' Jannar) fil-belt ta' Zanawzen.
Sadanittant illum mijiet ta' attivisti tal-oppożizzjoni ltaqgħu fil-belt kapitali kummerċjali ta' Almati biex ifakkru l-155 Każaki li kienu nqatlu mis-suldati Russi bħal-lum eżatt 25 sena, meta eluf ta' Każaki, l-biċċa l-kbira żgħażagħ, ipprotestaw għal jiem sħaħ għax riedu aktar drittijiet għal-Każaki fit-tmexxija ta' pajjiżhom. Dakinhar Nazarbajev kien Prim Ministru tal-gvern pupu tar-Russja Sovjetika!
Waqt it-tifkira tal-lum kien se jinqala' inkwiet ieħor meta parti mill-folla ppruvat tinqatà mill-miġemgħa biex  tmur lejn il-kwartieri ġenerali tal-partit ta' Nazarbajev. Nofs dawn ġew arrestati.
Tgħid dan hu l-bidu ta' Rebbiegħa tal-Libertà fl-Asja?
Intant ir-Rappreżentant Għoli tal-Unjoni Ewropea Catherine Ashton fi stqarrija ttamat f'investigazzjoni mmedjata dwar l-inċidenti u soluzzjoni paċifika għall-problemi tal-ħaddiema fuq strajk.

Dan huwa filmat tal-bidu tal-inċidenti fil-pjazza ta' Zanawzen li jintemm hekk kif jibda l-isparar mis-suldati u pulizija 

Persekuzzjoni Politika fl-Ukrajna (8)

JIFFILMJAW LIL TIMOXENKO MARIDA FIS-SODDA TAĊ-ĊELLA

Julia Timoxenko fiċ-ċella hekk kif il-bieraħ ħarġu minn
ħdejha tobba  u awtoritajiet tal-ħabs

Is-sitwazzjoni politika fl-Ukrajna kompliet tiħrax meta t-televiżjoni wera filmat tal-eks Prim Ministru u Kap tal-Oppożizzjoni Julia Timoxenko f'sodda fiċ-ċella tal-ħabs, fejn spiċċat wara li ġiet kundanata seba' snin  ħabs f'każ li qed dejjem jiġi meqjus, f'pajjiżha u fil-Punent, bħala motivat politikament, u parti minn persekuzzjoni ppjanata kontra l-oppożizzjoni.
Il-filmat ittieħed, kontra x-xewqa ta' Timoxenko, waqt li fiċ-ċella tagħha daħlu għadd ta' tobba u uffiċjali tal-ħabs biex jaraw il-kundizzjoni tagħha, li qed tbati minn problemi tal-ġilda u uġigħ kbir f'dahrha, u ma tistax timxi – minkejja dan il-ġimgħa l-oħra l-awtoritajiet ippretendew li hi toħroġ biex tidher quddiem il-qorti biex jittressqulha akkużi ġodda, u meta hi rrifjutat ippruvaw saħansitra jagħmlu seduta tal-qorti fiċ-ċella tagħha. Issa l-kawża ġiet differita għal nhar it-Tlieta li ġejjin.



Timoxenko qed tirrifjuta li tiġi inviżtata minn tobba tal-gvern, u li tieħu mediċina, għax mhix qed tafdahom.
Intant lejn tmiem-il filmat Timoxenko tidher fis-sodda mgħottija b'kutri, ixxejjer idea bi protesta kontra min qed jiffilmja. L-awtoritajiet qalu li ma kienux jafu min iffilmjaha ...f'ħabs!

L-avukat tagħha, Sertij Vlasenko iddenunuċja l-iffilmjar bħala xogħol ta' "annimali", u kontra d-drittijiet tal-bniedem.

Sadanittant,  minħabba li l-amministrazzjoni tal-President Yanukoviċ qed tkompli tisfida lill-Unjoni Ewropea, li kemm-il darba kkundannat it-trattament tal-eks Prim Ministru u tal-Oppożizzjoni b'mod ġenerali, x'aktarx li jiġi pospost l-iffirmar ta' trattati bejn l-UE u l-Ukrajna, trattati importanti lejn id-dħul tal-pajjiż fl-UE., li kellhom jiġu ffirmati nhar it-Tnejn li ġejjin.


Timoxenko tinduna u tipprotesta kontra min kien qed jiffilmjaha, qabel il-gwardjani għalqu l-bieb taċ-ċella      

Jintemm is-Summit tal-'Klima'

'FTEHIM' LI JIDĦOL FIS-SEĦĦ BISS 8 SNIN OĦRA

Fl-aħħar, wara li ttawwal b'jumejn aktar milli suppost, f'ġimgħatejn ta' taqtigħ-il qalb u kważi falliment totali, ir-rappreżentanti tal-190 pajjiż li marru fl-Afrika t'Isfel f'Durban għal Summit ieħor suppost dwar il-klima, waslu għal 'ftehim' biex jippruvaw jnaqqsu jnaqqsu l-ħruġ tal-emissjonijiet tal-gassijiet serra, l-aktar s-CO2, ħalli b'hekk, suppost il-pjaneta tagħna ma tibqax tisħon bil-periklu imminenti tal-konsegwenzi katastrofiċi kollha li tant ilhom ibassru s-suppost esperti dwar il-klima tan-Nazzjonijiet Uniti.
Imma kemm dawn ir-rappreżentanti jemmnu li dan huwa periklu, u fuq kollox wieħed imminenti joħroġ mill-fatt li l-'ftehim' li leħqu jidħol fis-seħħ biss tmien snin oħra, fl-2010!
Dan fil-fatt ifisser t-Trattat ta' Kjoto se jintemm (mingħajr ma se jkunu ntlaħqu l-għanijiet tiegħu) għax kienu biss  l-Unjoni Ewropea u xi ftit pajjiżi  oħra żviluppati li ffirmaw biex itawwluh b'sena, sal-2013, bil-biċċa l-kbira tal-pajjiżi qed jiżviluppaw u l-Istati Uniti  jibqgħu fi ftehim volontarju biss biex inaqqsu l-karbonju sal-2020.
Minfloku l-Protokoll ta' Kjoto issa għandna dik li qed tissejjaħ "Pjattaform Durban". Din qed 'torbot' lill-pajjiżi li jiffirmawha biex inaqqsu l-emissjonijiet sal-2015, iżda l-ftehim jidħol fis-seħħ biss fi tmiem l-2020.
 Minkejja li din il-pjattaform ffirmawha wkoll l-Istati Uniti, iċ-Ċina u l-Indja, ċerti pajjiżi żgħar u organizzazzjonijiet benefiċi xejn m'huma kuntenti għax iqiesu l-lingwaġġ legali dgħajjef wisq biex iġiegħel lill-pajjiżi jaġixxu u li ż-żmien jiqsar ħalli jitwaqqaf it-tisħin tal-globu.
Infatti sadanittant it-temperatura se tkompli togħla b'4 gradi Ċentigradi, neta sknd Kjoto din kellha tiġi limitata għal 2 gradi Ċentigadi!
Is-summit li jmiss tal-United Nations Framework on Climate Change (UNFCC) se jsir sena oħra fil-Qatar meta għad iridu  jiġu ffissati l-miri tal-qtugħ ta' CO2 li kull pajjiż se jintrabat bihom sal-2015.
Sadattant twaqqaf ukoll Green Climate Fund ta' €70 Biljun biex suppost jgħinu lill-pajjiżi fqar 'jiġġieldu t-tibdil fil-klima', li jidher li kien l-ikbar, jekk mhux l-uniku interess tal-pajjizi qed jiżviluppaw.
Interessanti, fl-aħħarnett, insemmu li dan is-summit hu kalkukat li pproduċa mal-15,000 tunnellata ta' CO2, u dan jinkludix dak tat-titjiriet li wasslu lit-13,000 delegat f'Durban!

IL-KANADA TIRTIRA MILL-PROTOKOLL TA' KJOTO

Wara li ntemm is-Summit ta' Durban il-gvern ĊentruLemini Kanadiż ta' Stephen Harper ħabbar li pajjiżi se jirita, joħroġ mill-Protokoll ta' Kjoto. B 'hekk il-Kanada se tkun l-ewwel pajjiż li jagħmel dan, li, skond il-Ministru tal-Ambjent Peter Kent, qed jagħmluh  għax "Il-protokoll jfixkel il-progress tal-Kanada" minħabba li l-pajjiż ikollu jiffaċċja multi ta' ħsara kbira talli ma jilħaqx il-miri tat-trattat.
It-trattat kien ġie ffirmat minn gvern Liberali (Laburista) li Harper kien sejjaħlu gvern inkompetenti għax filwaqt li ma naaqas xejn emissjonijiet għabba lil kull familja Kanadiża b'taxxa ta' €1,200 fis-sena għalxejn. Fil-fatt flok Kjoto se jwassal għal tnaqqis ta' 6% fl-emissjonijiet fid-dinja sal-2020, dawn mistennija jkomplu jogħlew sa' bejn 16% u 30%.
Għalhekk mhix ħaġa kbira li pajjiżi oħra jagħmlu bħal Kanada, u dawn jistgħu jinkludu lil Ħappun, Russja, Awstralja u New Zealand

Persekuzzjoni Politika fl-Ukrajna (7)

L-AWTORITAJIET UKRAJNI JKOMPLU JISFIDAW LILL-U.E.

It-tmexxija dejjem iżjed awtoritarja tal-Ukrajna mhux biss kontinwament qed tittratta b'disprezz il-preokkupazzjoni tal-Unjoni Ewropea u mexxejja ewlenin tal-Punent dwar il-persekuzzjoni politika tal-oppożizzjoni, minn ta' quddiemnett l-eks prim ministru Julia Timoxenko li tinsab fil-ħabs fuq akkużi meqjusa bħala politikament motivati, imma issa waslu biex resqu akkużi ġodda kontriha, u ordnaw l-arrest indefinit. Dan għamluh f'seduta speċjali tal-Qorti li saret fl-istess ċella tagħha, minħabba li Timoxenko ma tistax tiċċaqlaq minn hemm, minħabba uġiħ kbir f'dahrha.

Eugenia Carr, bint Julia Timoxenko tindirizza l-Kungress
tal-PPE nhar l-Erbgħa li għaddew f'Marseilles

L-avukati tagħha ddikjaraw li jqiesu din bħala mossa biex jekk l-eks prim ministru tirbaħ l-appell kontra s-sentenza ta' 7 snin ħabs li qed tiskonta (appell li se jibda jinstema' nhar it-Tlieta li ġejjin 13 ta' Diċembru), din xorta waħda tinżamm arrestata.
Huwa f'dan id-dawl li l-Kungress tal-Partit Popolari Ewropew li ltaqa' f'Marseille, fi Franza f'nofs din il-ġimgħa, approva riżoluzzjoni iebsa u twila li għal darb'oħra kkundannat l-persekuzzjoni ta' Timoxenko u l-oppożizzjoni  in ġenerali fl-Ukrajna, u tħeġġeġ lill-awtoritajiet Ukrajni biex jiżguraw appell ġust, trasparenti u imparzjali għal Timoxenko u membri oħra tal-gvern li kienet tmexxi, u li bħala qed jiffaċċjaw akkużi ta' offiżi ekonomiċi.
Tħeġġeġ ukoll lill-parlament Ukrajn biex jirriforma s-sistema ġudizzjarja u jemenda l-kodiċi kriminali li jmur lura għall-era Sovjetika u qed jintuża b'mod diskriminatorju kontra Timoxenko.
Tappella biex l-awtoritajiet jiggarantixxu d-drittijiet fundamentali ta' saħħa u benesseri ta' Timoxenko u kollegi oħra tagħha li jinsabu arrestati wkoll, skond standards internazzjonali, inkluża l-possibiltà biex tobba mill-UE jinviżtawhom.
Ir-riżoluzzjoni tikkundanna wkoll d-deċiżjoni barbara u atroċi tal-Qorti ta' Kiev biex twettaq proċeduri legali fiċ-ċella ta' Timoxenko, minkejja l-kundizzjonijiet ta' saħħa kritiċi tagħha, kontra li-standards legali demokratiċi.
Il-PPE jwissi wkoll li l-ebda elezzjoni futuri fl-Ukrajna ma jistgħu jitqiesu ħielsa u ġusti, jekk il-mexxejja tal-oppożizzjoni, fuq quddiem Julia Timoxenko u Jurli Lutsenko, ma jinħelsux mill-ħabs.
Għalhekk ir-riżoluzzjoni tinsisti għall-ħelsien mingħajr ebda kundizzjoni ta' Timoxenko u membri oħra ewlenin tal-oppożizzjoni, r-riabilitazzjoni politika sħiħa tagħhom, inkluż id-dritt li jipparteċipaw b'mod sħiħ fil-proċess politiku, immedjatament  u fl-elezzjonijiet fl-Ukrajna s-sena d-dieħla.
Filwaqt li tħeġġeġ biex il-Ftehim ta' Assoċjazzjoni jiġu inizjalati kif ippjanat sal-aħħar tas-sena u ffirmati sa' nofs is-sena d-dieħla, twissi li jitwaqqaf kollox
– kemm-il darba ma jsirx it-tibdil għal riformi meħtieġa biex tissaħħaħ id-demokrazija, id-drittijiet umani u s-saltna tal-liġi, u
– jekk ikomplu l-ġurijiet motivati politikament, u Timoxenko ma tinħelisx.
Sadattant sħarriġ tal-opinjoni pubblika li sar din il-ġimgħa juri illi li kieku ssir elezzjoni issa l-partit ta' Timoxenko, l-Unjoni tal-Patrija jirriżulta l-ikbar partit bi 18.8% u dak tal-President Yanukoviċ, il-Partit tar-Reġjuni jikseb 17.8%. Partit ġdid ĊentruLemini, il-'Front għall-Bidla' jkollu 11.4%, bil-partit Komunista 8.4%, u ieħor immexxi  minn boxer 5.8%. Kien hemm bejn 15% u 209% li ma jafux lil min se jivvutaw jew jekk jivvutawx. L-elezzjoni għandha ssir f'Ottubru tas-sena d-dieħla.

Tlett Elezzjonijiet f'jum wieħed

ŻEWĠ KONFERMI U SORPRIŻA

Il-Ħadd li għadda saru tlett elezzjonijiet fejn filwaqt li r-riżultat f'żewġ pajjiżi kienu mistennija, f'ieħor, dak fis-Slovenja, kien sopriża.
Hawnhekk l-istituti kollha tal-opinjoni pubblika kienu qed ibassru telfa għall-gvern Ċentru-Xellugi tas-Soċjaldemokratiku Pahor, u rebħa għaċ-ĊentruLemini Partit Demokratiku.
Filwaqt li s-Soċjaldemokratiċi veru ħarġu telliefa kbar u naqqsu l-voti minn 30.5% għal biss 10.5%, u 19-il siġġu, l-elettorat Sloven m'għażilx minflokhom lid-Demokratiċi, iżda lill-partit ġdid populista "Slovenja Pożittiva" li twaqqaf f'Ottubru li għadda minn Zoran Janković, eks president tal-ikbar kumpanija tal-bejgħ bl-imnut fis-Slovenja, li kiseb l-ikbar numru ta' voti, 28.5% u siġġijiet, 28 mid-90 fil-parlament.
Il-partit ta' dan is-sinjurun beda jissejjaħ ĊentruXellugi, minkejja li m'għandu l-ebda orjentament politiku, u li Janković innifsu kien iddikjara li l-programm vag tiegħu kien "li jagħmel dinja aħjar għas-Sloveni, bogħod mill-ideoloġiji u l-prattiċi tal-lum".
Barra minhekk, f'mill-inqas żewġ okkażjonijiet ġie akkużat li uża l-pożizzjoni tiegħu biex  bħala sindku tal-kapitali Ljubjana biex jivvantaġġja lill-ibnu.

Janez Janša Mexxej tal-Partit Demokratiku Sloven

Il-ĊentruLemini Demokratiċi ta' Janez Janša rriżultaw it-tieni l-ikbar partit partit b'26.3% tal-voti, u 26 siġġu, tnejn biss inqas mill-partit ta' Janković.
Għalhekk dan tal-aħħar ma jidhirx li se jkollu biċċa xogħol ħafifa jifforma gvern, għax lanqas jekk jikkonvinċi lis-Soċjaldemokratiċi (li lilhom l-elettorat ta l-ikbar daqqa ta' ħarta) jingħaqdu  miegħu, ma jkollu maġġoranza. Jibqagħlu jdur biss fuq partit ieħor ġdid, l-Liberali mwaqqaf minn Gregor Virant (8 siġġijiet), jew il-Partit tal-Pensjonanti b'6 siġġijiet, li però huma ĊentruLeminija.
Iż-żewġ partiti l-oħra huma mhux biss ĊentruLemini, imma, bħad-Demokratiċi, membri fil-Partit Popolari Ewropew (PPE) li, bis-16-il siġġu tagħhom flimkien mat-8 Liberali ta' Virant jiffurmaw maġġoranza ĊentruLeminija ta' 50  mid-90 siġġu fil-Parlament, li tkun rappreżentattiva tal-maġġoranza assoluta tal-elettorat li vvutat lill-partiti taċ-ĊentruLemin: 53.4% tal-voti.

L-elezzjonijiet l-oħra saru fir-Russja u fil-Kroazja. 
Bħalma kien mistenni tal-ewwel intrebħet mill-partit Russja Unita ta' Putin/Medvedev, li però naqqas l-appoġġ u s-siġġijiet (issa tilef i-maġġoranza assoluta u spiċċa b'238 siġġu mill-450 fil-parlament, filwaqt li perikolożament reġà kompla jikber il-Partit Komunista, u dak Soċjalista, li bejnithom issa għandhom 102 siġġijiet. Il-kumplament, 56 siġġu ħadhom il-Partit Liberali-Demokratiku ta' Vladimir Zirinovski.
L-oppożizzjoni għadha qed tipprotesta li l-elezzjoni ma kenitx ġusta u ħielsa,  bħalma qed issostnu diversi organizzazzjonijiet fil-Punent u gvernijiet, fosthom dak Amerikan.
Fil-Kroazja l-koalizzjoni ĊentruXellugija "Kukuriku"(magħmula mis-Soċjaldemokratiċi, żewġ partiti Liberali u dak tal-pensjonanti), kif kien mistenni, rebħet maġġoranza ta' voti u siġġijiet, 40.7% u 80 mill-151 siġġu fil-parlament.
Il-partit ĊentruLemini Unjoni Demokratika Kroata (HDZ) waħdu rnexxielu jikseb 34.6% tal-voti, jiġifieri 6% biss inqas mill-Kukuriku, iżda, minħabba s-sistema elettorali proporzjonali Kroata, kiseb biss 47 siġġu, filwaqt li l-partiti kollha taċ-Ċentru Lemin bejnithom kisbu maġġoranza tal-voti : 49.2%.

L-Elezzjonijiet fl-Eġittu

"NISA JAQBLILKOM TIBDEW TLESTU X-XARPA"

Il-media internazzjonali kollha entużjasmu inġenwu wriet kemm-il darba l-Eġizzjani fi sriebet twal jistennew biex jivvutaw, u ffukat b'mod partikulari fuq in-nisa Eġizzjani , b'rashom mgħottija jew xuxa, lebsin jeans jew dublett, ferħanin, mimlijin tama dwar l-istrument qawwi tal-elezzjoni.
Iżda dawn ix-xeni nistgħu ma narawhomx darb'oħra f'elezzjonijiet futuri taħt gvern Islamiku, jekk ikun hemm elezzjonijiet.
Bħalma probabbli tafu l-elezzjonijiet li saru s'issa fl-Eġittu  mhux  biss, bħalma kien mistenni taw rebħa lill-partit tal-Fratellanza Musulmana, dak tal-Ħelsien u l-Ġustizzja (PĦĠ)  b'madwar 45% tal-voti, iżda t-tieni l-ikbar irriżulta l-Partit Nour Salafista, koalizzjoni ta' għaqdiet Islamiċi aktar estremisti mill-PĦĠ li jistgħu jakkwistaw mat-30% oħra tal-voti. Dan  ifisser li l-partiti ta' ispirazzjoni Islamika integralista se jkollhom setgħa biżżejjed parlamentari (75%) biex tgħaddi tagħhom, għax il-partiti lajċi mistennija jiksbu biss mill-kumplament tal-25%.
Dan ifisser li l-elettorat (jew, biex inkun eżatt, iż-zewġ terzi li vvutaw s'issa, għax fadal round ieħor fit-3 ta' Jannar) Eġizzjan għażel identità Islamika għall-pajjiż. L-amministrazzjoni militari ftaħret li n-numru kbir ta' dawk li marru jivvutaw (62%) huwa sinjal qawwi ta' parteċipazzjoni demokratika. Intqal, iżda, li tant jinterassahom d-demokrazija li l-militar għen b'kull mod lill-partiti reliġjużi.
Il-Fratellanza Musulmana u l-Partit Nour  jaqblu t-tnejn li l-Koran huwa l-unika bażi leġittima li fuqu jiġi ggvernat il-pajiż. Ma jaqblux fit-tattiċi. Is-Salafisti jridu jimponu l-liġi tax-Xarija immedjatament u b'mod aktar aħrax mill-Fratellanza.

Ix-Xarija hija kunċett li ma tagħrafx l-ugwaljanza bejn is-sessi, is-saltna tad-dritt, it-tneħħija tal-piena tal-mewt, il-libertà f'dak li jintlibes, tiekol, tikteb u taqra dak li trid.
Id-deputata Taljana fil-Popolo della Libertà Fiamma Nirenstein ittamat li dawk in-nisa li vvutaw lil dawn il-partiti ma rrealizzawx li r-rebħiet ta' dawn il-partiti jfissru pass lura fid-drittijiet tan-nisa – poligamija, mutilazzjoni ġenitali, veli, xarpi, niqab, ġiħab, oppressjoni.

Hi temmet artiklu li kitbet din il-ġimgħa b'dan l-appell: "Nisa Eġizzjani, jaqblilkom tibdew taħżnu x-xarpa!"

INstabilità fl-Italja (3)

WARRAB BERLUSCONI U MA SAR L-EBDA MIRAKLU

Kemm kienu jgħidu li l-Prim Ministru Berlusconi kien jaħti għal kull gwaj li kienet qed tiffaċċja l-Italja (minn ta' quddiem il-kriżi ekonomika), u li malli jwarrab hu, l-Italja u t-Taljani jieħdu r-ruħ. Xahar ilu Berlusconi rriżenja, iżda s'issa ma sar l-ebda miraklu.

Is-swieq kienu fl-allert u hekk għadhom, il-Borża baqgħet tilgħab, li Spread (i.e. id-differenza bejn l-interessi li tħallas l-Italja fuq id-dejn u dak li tħallas il-Ġermanja) baqa' jikber, u r-riċessjoni tinsab wara l-kantuniera.
Issa li s-sitwazzjoni iddeġenerat diversi kelliema, anki rivali kbar tiegħu qed jibdew jammettu li Berlusconi ma kienx responsabbli għall-kriżi, li ma kienx hu l-problema.
Id-direttur tal-Bank Ċentrali Ewropew Mario Draghi ammetta li t-tibdil fit-tmexxija ta' xi gvernijiet (Italja u Greċja) għadhom ma taw l-ebda riżultat pożittiv.
Saħansitra l-ikbar għadu ta' Berlusconi fil-Partit Demokratiku, Rosy Bindi, waqt il-programm ferm kritiku kontra Berlusconi, Ballarò (RaiTre), fl-aħħar kellha tammetti li, veru, kienu ħafna dawk, inkluża hi stess, li kienu jgħidu li jekk jirriżenja Berlusconi li-Spread, per eżempju, kienet tinżel bejn 200 u 300 punt, u issa din baqħet tilgħab madwar il-500!
Mill-banda l-oħra il-Ministru ġdid fil-gvern tekniku ta'  Monti, Corrado Passera, iddikjara li "L-Italja qed tissogra li tidħol f'riċessjoni għal raġunijiet barra mill-Italja".
Mela la Berlusconi u lanqas il-Ministru tiegħu Tremonti, ma kienu responsabbli għall-kriżi!

Summit Ieħor dwar il-'Klima'

LEJN IT-TMIEM TAL-PROTOKOLL TA' KYOTO

Għada t-Tnejn f'Durban fl-Afrika t'Isfel se jerġgħu jiltaqgħu mijiet ta' Ministri jew rappreżentanti tagħhom minn diversi pajjiżi, ma' għadd kbir ieħor ta' rappreżentati ta' għaqdiet ta' 'esperti' jew interessati fis-suġġett għal summit ieħor tal-United Nations Framework on Climate Change (UNFCC) biex forsi l-pajjizi jirnexxilhom jiftiehmu dwar trattat ġdid minflok il-protokoll ta' Kyoto li jintemm is-sena d-dieħla, li l-iskop tiegħu suppost kellu jkun li jitnaqqas il-ħruġ tal-gassijiet serra, C02, għax dan qed iwassal għat-tisħin tal-globu, jew it-tibdil tal-klima (skond liema jaqblilhom jużaw!) għax dan se, jekk mhux diġà iwassal għal katastrofi kbar fis-dinja.
Dan is-summit li se jibqà sejjer sal-Ġimgħa 9 ta' Diċembru se jsir xorta waħda minkejja li huwa diġà fatt magħruf li mhux talli, bħall-aħħar wieħed ta' sena ilu fil-Messiku se jkun sar għalxejn, iżda li dan l-istess summit se jfisser it-tmiem ta' Kyoto.

Fil-fatt l-aktar li qed jittamaw il-UNFCC huwa fi ftehim ieħor dgħajjef u bla ebda rbit jew bħal dawk li ħarġu minn Kopenħagen sentejn ilu u dak ta' Kankun fil-Messiku ... Lanqas ħaqq is-C02 li se jikkunsmaw!
L-aktar li se jiddispjaċihoim għal dan se jkunu żgure dawk kollha li kienu se jsiru miljunarju bis-suq tal-bejgħ tal-permessi (carbon trading) lil dawk li riedu jkomplu jipproduċu s-CO2 u gassijiet oħra serra, brokers u investment bankers  fis-suq l-ieħor ta' għadd ta' prodotti u proġetti biex suppost jipproduċu "enerġija nadifa" – swieq ta' l-fuq  minn €225 BILJUN fis-sena!
Dan li aktar ma jgħaddi ż-żmien aktar qed jirriżulta "lussu", kapriċċ  qed iwassal biex dejjem aktar nazzjonijiet qed jabbandunawh quddiem l-ikbar kriżi finanzjarja globali mit-Tieni Gwerra Dinjija 'l hawn, bl-istess, per eżempju, Kummissjoni Ewropea sa'  ftit ilu tant minn quddiem biex timponi fuq il-pajjiżi tal-UE rbit ta' tnaqqis ta' miżuri, issa jidher li lesta tintrabat b'aktar miżuri biss jekk il-pajjiżi l-oħra kollha jaqblu dwar ftehim globali.
F'dejjem aktar pajjiżi qed tikber l-oppożizzjoni għal xi Kjoto ieħor jew estensjoni ta' xi miżuri restrittivi, hekk kif dawn aktar inkwetati dwar l-ekonomiji tagħhom milli dwar s-suppost periklu għall-orsijiet polari.

HUMA X-XEMX U R-RAĠĠI KOŻMIĊI QED ISAĦĦNU D-DINJA

Lil dawk li ġenwinament jinkwetaw dwar li l-bniedem jista' veru qed jeffettwa l-klima, ngħidlu din il-ġimgħa n-Nature Journal of Science, meqjus bħala l-aktar perjodiku kwotat fid-dinja, ppubblikat studju definittiv dwar it-tisħin tal-globu li jikkonferma li t-temperatura tad-dinja tagħna hija pjuttost kontrollata mir-raġġi kosmiċi galattiċi mix-xemx u s-sħab, milli mill-bniedem.
Ir-riċerka saret miċ-CERN, l-Organizzazzjoni Ewropea għar-Riċerka Nukleari , ,i m,inbarra li vviuntata l-World Wide Web u bniet l-Large Hadron Collider, issa bniet ukoll stainless steel chamber state-of-the-art li jirriproduċi l-atmosfera tad-dinja.
L-istudju sar minn xjenzjati li jirrappreżentaw 17 mill-aqwa istituti tar-riċerka fl-Ewropa u fl-Amerika, u jgiddeb jew aħjar jirrifjuta t-teorija tal-UNFCC li l-bniedem jaħti għal tibdil fil-klima, liema teorija wara 20 sena hija destinata għad-"dustbin of history" kif tgħid in-Nature Journal of Science hawnhekk.
Interessanti li l-istess rivista sa' ftit żmien ilu kien tappoġġja t-teorija tal-ħtija tal-bniedem

Persekuzzjoni Politika fl-Ukrajna (6)

JGĦIDU LI TIMOXENKO MHIX F'PERIKLU LI TMUT

Wara li dalgħodu kmieni, mingħajr ma avżaw lil ħadd, la lill-familjari tagħha u lanqas lill-avukati tagħha, l-awtoritajiet Ukreni ħadu lill-eks Prim Ministru Julia Timoxenko għal eżamijiet mediċi sigrieti fi sptar fil-kapitali tal-Ukrajna, Kiev filwaqt li ammettew li hi marida, insistew li "mhix fil-periklu għall-ħajjitha".
L-awtoritajiet Ukrajni kellhom ibaxxu rashom għall-pressjoini minn barra l-pajjiż, u jaċċettaw li lil Timoxenko (li tinstab l-ħabs wara sentenza,politika, ta' 7 snin ħabs li appellat) isirulha l-eżamijiet mediċi meħtieġa barra l-ħabs, għalkemm mhux fi sptar li riedet hi. Dan wara li saħħitha ilha sejra lura rapporti li hi kienet ferm marida b'uġigħ kbir f'dahrha u tbajja  misterjużi fuq ġisimha.
Stqarrija mill-awtoritajiet tal-ħabs ikkonfermat li sar l-eżami mediku li kien jinkludi MRI scan, X-rays u ultrasound, iżda mhux test tad-demm li Timoxenko qalu li rrifjutat li tagħmlu. Ir-riżultati minn dawn l-eżamijiet huma li "ma kienx innutat tibdil patoloġiku f'saħħitha li jheddilha ħajjitha".
Iżda t-tim ta' difiża tal-eks prim ministru ddikjara li mhumiex jafdaw ir-riżultati tal-eżamijiet li sarulha għax ma jafux xi proċeduri ntużaw.

Sadattant ma tħallewx isiru ċelebrazzjonijiet biex ifakkru r-Rivoluzzjoni Oranġo tal-2004 kontra l-President attwali Yanukoviċ, li dakinhar kien ipprova jiggverna kontra r-rieda tal-poplu.
Mijiet iżda xorta waħda l-bieraħ inġabru iżda ma tħallewx jidħlu fi Pjazza Indipendenza  f'Kiev, fejn seba' snin ilu kienu saru protesi kbar f'dik li ssejħet ir-Rivoluzzjoni Oranġo immexxija minn Viktor Yuxenko u Timoxenko.

Tkaxkira għas-Soċjalisti

MAĠĠORANZA ASSOLUTA GĦAĊ-ĊENTRU LEMIN FI SPANJA

Bħalma kien mistenni, u bħalma kważi eżatt bassart jiena nhar il-Ħamis fl-analiżi tiegħi ta' kull ġimgħa f'ġurnal lokali, il-Partit Popolari rebaħ l-elezzjoni b'maġġoranza assoluta ta' voti u siġġijiet. B'98% tal-voti magħduda sakemm qed nikteb, il-PP kiseb rekord storiku ta' 186 siġġu mit-350 tal-parlament u 44.6% tal-voti li jissarfu f'aktar minn 10 Miljun voti, kważi 4 miljun vot aktar mill-Partit Soċjalista.

Dan kiseb l-agħar riżultat fl-istorja tiegħu bi 28.7% biss tal-voti li ssarfu f'110 siġġijiet, l-inqas li qatt kiseb mill-ewwel elezzjonijiet ħielsa fl-1977, telf ta' 59 siġġu, u 15% tal-voti. Infatti fl-aħħar elezzjoni kien kiseb 11.288.698 vot (43.87%). Illum dawn niżlu għal 6.937.706 (28.73%). Tkaxkira nobis!
Waqt diskors tar-rebħa lill-eluf ta' partitarji miġbura quddiem il-kwartier tal-partit ĊentruLemini l-Kap Mariano Rajoy (fir-ritratt ma' martu Elvira Fernandez) irringrazzja lil dawk kollha li vvutaw lill-PP u ħadmu għal din l-ikbar rebħa tiegħu, filwaqt li għamlilhom kuraġġ għax "minn għada rridu naħdmu lkoll flimkien bħala poplu sħiħ biex negħlbu d-diffikultajiet li Spanja qed tiffaċċja", ħaġa li tkellem ċar dwarha matul il-kampanja elettorali meta dejjem stqarr li kienu se jirtu l-agħar sitwazzjoni li qatt ħalla gvern lil ieħor.
Marru tajjeb ukoll il-partit ieħor taċ-ĊentruLemin, il-Convergencia i Union (CiU) li kiseb kważi Miljun vot u żjied is-siġġijiet minn 10 għal 16, u l-koalizzjoni Xellugija IU-LV li minn żewġ siġġijiet tellgħu 11, li  naturalment ħaduhom lill-Partit Soċjalista
Mill-banda l-oħra l-appell tal-grupp tal-"Indignados" biex l-Ispanjoli ma jmorrux jivvutaw jew iħassru l-vot bħala protesta ma tantx jidher li kellu effett għax marru jivvutaw 71.69% kontra t-73.85% ta' erba' snin ilu, differenza ta' 2.16%. Jekk ma' dawn inżiedu d-differenza tal-lum u dawk ta' erba' snin ilu li jew ħassru l-vot jew xeħtuh vojt, 0.91, allura b'kollox jiġu 3.07% li wkoll ftit li xejn għamlu differenza fir-riżultat.

Twerwir dwar il-Klima

WASAL SUMMIT IEĦOR U JIBDEW IŻIEDU D-DOŻA TA' ALLARMIŻMU

Jekk xi ħadd ma jinteressaħx, u ma jkunx jaf li lejn tmiem dan ix-xahar il-United Nations Framework on Climate Change (UNFCC) se torganizza, din id-darba fl-Afrika t'Isfel, s-summit ta' kull sena – biex forsi l-pajjiżi li jieħdu sehem fl-aħħar jirnexxilhom jiftiehmu dwar trattat ġdid għall-Protokoll (fallut) ta' Kyoto dwar "kontroll (!) tat-tibdil tal-klima", billi jitnaqqas l-ħruġ tal-gassijiet serra, jew CO2, liema tnaqqis dejjem aktar qed jirriżulta li qed isir għalxejn – malajr jinduna għax dawk li jiena nħobb insejjaħ eko-terroristi jibdew iżiedu doża tat-twerwir dwar il-konsegwenzi tat-tibdil tal-klima, għalkemm qabel aktar kienu jiddilettaw jużaw l-espressjoni "tisħin tal-globu".
Hekku li mmankabbilment hekk diġà beda jsir: l-Intergovernmental Panel on Climate Change (IPCC) ħareġ rapport mill-aktar allarmistiku dwar it-tibdil tal-klima u l-perikli tat-temp estrem bħal heatwaves, għargħar, nixfa u maltempati.
Ir-rapport jgħid li jkun aħjar jekk nantiċipaw id-diżastri u nnaqsu r-riskji qabel iseħħu, milli nistennew iseħħu u mbagħad "innadfu wara". Mur obsor!
Qalu wkoll li t-tibdil fil-klima jwasal għal tibdil fil-frekwenza, fl-intensità, it-tul u l-kronometraġġ ta' temp estrem u l-avvenimenti klimatiċi, iżda mbagħad jiddikjaraw hekk:
"xi wħud - iżda mhux kollha - minn dawn l-avvenimenti estremi huma kawżati miż-żjieda fil-gassijiet serra (greenhouse gases) fl-atmosfera". Mela issa, fl-aħħar, qed nibdew nirraġunaw ftit. Jidher li mhux se nibqgħu inwaħħlu d-diżastri kollha tad-dinja fit-tibdil fil-klima, fit-tisħin tal-globu.
Ma setgħax ikun mod ieħor għax iċ-ċifri qed igiddbu ħafna mill-ħrejjef psewdoxjentifiċi rakkuntati mill-IPCC, l-UNFCC u bella compagnia: infatti qed jiġi dejjem aktar ippruvat li fil-fatt mhux biss l-ewwel ikun hemm żjieda fit-temperaturi, u huwa biss WARA li jizdied s-CO2, imma dan iseħħ b'bejn 600 u elf sena wara, u allura qatt ma jista' ikun li hija ż-żjieda fis-CO2 li tikkawża dik fit-temperatura tad-dinja.
Dan minbarra l-fatt li mill-1998 'l hawn ma kien hemm l-ebda żjieda fit-temperatura tal-pjaneta tagħna, għalkemm dan ippruvaw jaħbuh – vide l-iskandlu Climategates u l-post tiegħi tat-30 ta' Ottubru.
Forsi għalhekk li minflok "Global Warming" bdew jużaw sempliċiment "Climate Change"!
Fuq kollox għal dak li jsostnu rapporti bħal dawk tal-IPCC li t-tisħin tal-globu huwa l-kawża għal xtiwi estremi, m'hemm asolutament l-ebda prova xjentifika jew evidenza reali ta' dan.
Fl-aħħarnett dwar il-previżjonijiet ta' dawn l-allarmisti, anki t-tfal llum jafu li l-bniedem diffiċli jbassar fiż-żgur kif se jkun it-temp tlett ijiem oħra, għas-sempliċi raġuni li għadu ma jifhimx eżatt x'jikkawża t-tibdil fit-temp, iżda l-IPCC tippretendi li taf kif se jkun it-temp għexiren ta' snin oħra!
Ħaġa waħda tagħmel sens f'dan l-aħħar rapport tal-IPCC: li l-unika soluzzjoni f'każi estremi tat-temp huwa li, wara li nikkonvinċu ruħna li ma nistgħu nagħmlu xejn biex il-klima ma tinbidilx, nadattaw ruħna u nevitaw kemm nistgħu l-konsegwenzi u mhux l-kontra billi, per eżempju nibnu, anki abbużivament, f'żoni ta' periklu  bħal fil-mogħdijiet naturali tal-ilma tax-xita, xmajjar, xtajtiet jew f'riġlejn il-muntanji!, bħalma ma nibnux madwar xi vulkan ...ħalliha li anki dan isir!
Għal darb'oħra l-IPCC u l-ekoterrotisti qed jirrikorru għal frodi xjentifika u psewdoxjenza, biex forsi fl-Afrika t'Isfel, f'Durban, ma jkollhomx l-istess fjask li rriżultaw l-aħħar summits ta' Kopenħagen u l-Messiku.

INstabilità fl-Italja (2)

FIDUĊJA LIL GVERN TAL-BANKIERA

Rekord assolut u storiku u x'aktarx dehen tal-Guinness Book of Records!
556 FAVUR. 61 KONTRA. B'dan il-vot il-bieraħ il-gvern iffurmat minn Mario Monti kiseb dak li hu żgur l-ikbar vot ta' fiduċja fl-istorja demokratika parlamentari Taljana.
Imma s-sabiħa, anzi l-kerha hi li Monti mhuwiex politiku u lanqas ma ġie elett mill-poplu.

Id-deputat Domenico Schillipoti jqassam
flyers (ritratt taħt)  fl-okkażjoni tal-jum li 
hu sejjaħlu "Jum il-Mewt tad-Demokrazija
Parlamentari" fl-Italja

Monti huwa konsulent anzjan tal-Goldman Sachs Bank & Investment, eks-Kummissarju Ewropew, maħtur l-ewwel senatur u l-għada Prim Ministru mill-President tar-Repubblika, l-post Komunista Napolitano biex jifforma gvern. Dan wara li l-Prim Ministru ta' qablu Silvio Berlusconi kien qed isibha diffiċli jiggverna wara li l-Ġuda Fini flimkien ma' numru mdaqqas ta' deputati, telqu mill-partit ta'  Berlusconi u ttradew lill-partit u lil dawk li vvutawlhom.
Minkejja li għandu s-saħħa, maġġoranza komda f'waħda mill-kmamar tal-Parlament (fis-Senat), il-partit ta' Berlusconi Popolo della Libertà (PdL) vvota favur il-gvern ta' Monti – magħmul biss minn bankiera oħra, finanzieri, ekonomisti u tekniċi – bil-patt li jimxi fuq il-programm ta' miżuri fil-Legge di Stabilità approvata mill-parlament bħala kundizzjoni qabel Berlusconi rriżenja, u l-ittra li hu kien bagħat lill-UE bil-pjan finanzjarju/ekonomiku tiegħu skond it-talbiet tal-istess UE.
Ivvutaw favur ukoll il-partiti tal-oppożizzjoni taċ-ċentru u tax-Xellug, l-istess partiti, speċjalment dawn tal-aħħar, li kienu lesti jkomplu jfixklu kemm jifilħu, jressqu mijiet ta' emendi u jivvutaw kontra l-Legge di Stabilità. L-istess liġi li issa, għax fl-aħħar "ħelsu" minn Berlusconi, se jkollhom ibaxxu rashom għall-miżuri li fiha ...basta mhux se jkun Berlusconi li jattwahom.
Basta wkoll ma jkunux huma li jkollhom jattwawhom, u huwa għalhekk ukoll li ma jridux elezzjoni bikrija, għax jibżgħu li jekk jirbħuha huma, hekk ikollhom jagħmlu: jattwaw huma l-miżuri xejn popolari li trid l-Ewropa, biex isolvu l-problema tad-dejn  li l-gvernijiet ta' Berlusconi wirtu minn dawk tax-Xellug.
Iżda mill-ġimgħa d-dieħla se nkunu nafu kemm se jistaportu d-deputati Xellugin, l-attivisti, l-partitarji, l-unions dominati minnhom, qabel jibdew jipprotestaw kontra d-diversi kapijiet tagħhom Bersani, Bindi, D'Alema  jew Di Pietro talli issa dawn se jaċċettaw il-miżuri li sal-bieraħ kienu lesti jopponu għax kien se jkollu jressaqhom Berlusconi, u issa għax minfloku hemm il-bankier Monti se jogħqodu għalihom.
F'dawn il-jiem ukoll ħadu tweġiba u se jkomplu jieħdu dawk kollha li kienu jwaħħlu s-sitwazzjoni mwiegħra tal-Italja f'Berlusconi u li malli jwarrab hu kollox kien se jirranġa, u jisparixxu l-problemi kollha.
Il-problemi u l-miżuri qed jiffaċċjawhom il-popli fl-Ewropa u fl-Amerika kollha, fid-dinja kollha ...fejn m'hemmx Berlusconi!
Li m'għandhomx dawk il-pajjiżi bħall-Italja u l-Greċja, huwa gvern tal-bankiera li għalkemm kiseb il-fiduċja fil-parlament, m'għandux il-fiduċja tal-elettorat, tal-poplu, li fl-aħħar elezzjoni kien ċar filli ried lill-partiti taċ-ĊentruLemin jiggvernah ...vot li issa sar biċċa karta li ma tiswa' xejn, aktar u aktar jekk il-poplu mhux se jfittex jingħata d-dritt li jivvota mill-ġdid f'elezzjoni bikrija.
Għalhekk minn dan il-lat kellhom raġun jivvutaw kontra l-fiduċja d-deputati tal-Lega Nord, Alessandra Mussolini tal-PdL u d-deputat waħdani tal-Movimento di Responsabiltà Nazonale (li kemm-il darba vvota favur il-gvern ta' Berlusconi), Domenico Schillipoti li sejjaħ il-jum tal-bieraħ bħala jum il-mewt tad-demokrazija parlamentari, u mar għas-seduta tal-bieraħ b'faxxa sewda ta' luttu ma' dirgħajh.

Il-Persekuzzjoni Politika fl-Ukrajna (6)

IĦEĠĠU LILL-PARLAMENT EWROPEW JITKELLEM ĊAR DWAR TIMOSHENKO

Il-Kumitat għall-Affarijiert Barranin tal-Parlament Ewropew qed iħeġġeġ lill-parlament li għal darb'oħra juri t-tħassib tiegħu dwar il-priġunerija tal-eks Prim Ministru tal-Ukjrajna u kap tal-Oppożizzjoni Julia Timoshenko. Fl-istess ħin qed jinsistu mal-awtoritajiet Ukrajni jiggarantixxu li Timoshenko u mexxejja oħra tal-oppożizzjoni d-dritt li jipparteċipaw bis-sħiħ fil-proċess politiku u fl-elezzjonijiet li jmiss.
Timoshenko ilha minn Ottubru fil-ħabs wara li twaħħlet seba' snin meta nstabet ħatja li llegalment approvat ftehim mar-Russja dwar xiri ta' gass naturali fl-2009 meta kienet prim ministru tal-Ukrajna.
Il-Kumitat issa ressaq emendi lill-Kummissjoni Ewropea u lill-Kunsill tal-Ewropa  dwar in-negozjati għall-Ftehim ta' Assoċjazzjoni bejn l-UE u l-Ukrajna. Id-dokument se jkun il-bażi għal riżoluzzjoni li se tiġi vvutata mill-Parlament Ewropew kmieni x-xahar d-dieħel.

Banner kbir jgħatti ż-żona fil-parlament Ukren fejn soltu
jpoġġu d-deputati tal-oppożizzjoni.Il-kliem mar-ritratt
ġgantesk ta' Timoshenko jgħid "Le għall-oppressjoni
politika" u "Libertà għall-Ukrajna"

Skond id-dokument s-sentenza kontra Timoshenko hija meqjusa bħala att ta' vendetta, tpattija jew inkella parti minn attentat biex membri tal-oppożizzjnoni jinxteħtu l-ħabs  ħalli b'hekk ma jkunux jistgħu jikkontestaw jew jieħdu sehem sehem fi-kampanji elettorali  għall-parlament tas-sena d-dieħla u dawk presidenzjali fl-2015.
Id-dokument jemfasizza li l-liġi li biha ġiet kundannata Timoshenko ilha  minn żmien ir-reġimi Sovjetiċi, u li tmur kontra li-standards Ewropej u tan-Nazzjonijiet Uniti.
Timoshenko fil-bidu ta' Novembru kienet appellat lill-UE biex minkejja s-sentenza kontriha xorta waħda jfittex jiġi ffirmat il-Ftehim ta' Assoċjazzjoni bejn l-UE u l-Ukjrajna (ara l-post tat-3/11). Dan wara li l-Parlament Ewropej kien iddikjara li jekk Timoshneko ma tinħelisx mill-ħabs dan kien se jipperikola l-iffirmar ta' dan il-ftehim. Il-biżà hija li l-amministrazzjoni tal-President Ukren Yanukovich se tuża din il-kwistjoni biex tisfratta l-ftehim u tbiegħed lill-Ukrajna mill-Ewropa u tressaqha lura taħt l-influwenza tar-Russja.
Fil-fatt jidher li Yanukovich se jkompli jisfida lill-Punent għax nhar it-Tlieta Timoshenko ġiet interrogata minn prosekuturi tal-gvern  minkejja li kienet marida fis-sodda taċ-ċella tagħha b'uġigħ kbir f'dahrha, filwaqt li l-avukati tagħha ma tħallewx ikunu preżenti. L-akkuża issa hija li ma ħallsitx fuq €120 Miljun f'corporate tax meta kienet tmexxi kumpanija li timporta l-gass. Naturalment hi qed tiċħad dan kollu.
Sadanittant Timoshenko il-bieraħ appellat lill-International Red Cross u lid-Doctors Without Frontiers biex jintervjenu ħalli hi tiġi inviżtata u kurata kif xieraq, għax mhix tafda lit-tobba tal-ħabs.

INstabilità fl-Italja

"MHUX SE NIRTIRA, SE NIRDOPPJA L-IMPENN GĦALL-ITALJA"

Dan hu l-video messaġġ li xandar il-lejla l-Prim Ministru Silvio Berlusconi

www.forzasilvio.it

"WARA BERLUSCONI D-DILUVJU"

Hekk kienu jiktbu u jgħidu b'mod sarkastiku l-kritiċi u dawk kollha li ma jaħmlux lil dak li sal-bieraħ kien il-Prim Ministru mtella' demokratikament mill-ikbar maġġoranza li qatt kiseb gvern fl-Italja. Silvio Berlusconi warrab għax ried hu u mhux għax ġie sfiduċjat fil-Parlament jew fil-partit tiegħu – u huwa għalhekk li jiena personalment ma qbilt xejn ma' din d-deċiżjoni tiegħu. L-istess kif, naturalment, qatt ma għidt jew ktibt illi kieku hu jwarrab  kienet tkun l-Italja kollha li tispiċċa mkaxkra minn diluvju, u  mhux Ġenova biss! IŻDA minn dak li qed naraw iseħħ fl-aħħar sigħat, jekk mhux diluvju riesaq maltemp qalil fuq it-Taljani, l-aktar jekk tgħaddi ta' dawk li qed jinsistu li jbiegħdu kemm jistgħu d-dritt sagrosant li l-poplu Taljan jingħata ċ-ċans li jfittex jivvota, ġaladarba issa pajjiżu se jkun qed jiġi mmexxi minn gvern li m'għażilx hu.

Huwa għalhekk li s-Segretarju tal-PdL Angelino Alfano fil-laqgħa li kellu l-lejla mal-President tar-Repubblica Napolitano, infurmah li l-Popolo della Libertà kien se jappoġġa lill-gvern eventwali tekniku ta' emerġenza u temporanju sakemm

i) Dan jattwa u jimxi fuq il-programm ta' miżuri approvati mill-Parlament il-bieraħ, skond l-ittra li Berlusconi bagħat lill-Unjoni Ewropea;

ii) Ikun magħmul biss minn tekniċi u l-ebda politiku, u jkun ta' żmien limitat, u li

iii) L-ebda wieħed mill-ministri tiegħu ma jkunu jistgħu jikkontestaw l-elezzjoni bikrija kemm jistà ikun.

Jekk xi waħda minn dawn il-kundizzjonijiet ma jiġux rispettati, l-PdL jirtira l-appoġġ, hekk kif dan għandu maġġoranza żgura fis-Senat, u jkollha ssir elezzjoni.

Jingħad li l-ħsieb ta' Napolitano huwa li jaffronta l-emerġenza biex imbagħad issr l-elezzjoni fi żmien qasir.

It-tama ta' Napolitano ta' Parlament ta'"larghe intese" li suppost jappoġġa unanimament lil Monti ma teżistix, u dan mhux biss għax il-Lega Nord diġà ddikjarat li mhix se tappoġġah.

Id-Demokratiċi ta' Bersani diġà qed jiddikjaraw li ma jriduhx biss jaffronta l-emerġenza ekonomika, iżda li jagħmel riformi politiċi bħal dik tal-liġi elettorali u oħrajn li, però, ma jaqbilx magħhom il-PdL, bħalma ma jaqbilx mas-suġġeriment tal-kap tal-UDC Casini li l-gvern Monti jibqà sejjer sa' tmiem il-leġislatura fl-2013, skond kemm suppost baqa' il-gvern ta' Berlusconi, bid-differenza li dan eventwali ta' Monti ma ġiex elett mill-poplu.

Dan minbarra d-diskorsi u wirjiet ta' mibiegħda tal-bieraħ kontra Berlusconi u ċ-ĊentruLemin fil-Parlament u mill-partitarji Xellugin  organizzati barra, jistennew lil Berlusconi fi triqtu biex jirriżenja, ma tantx jawguraw tajjeb għar-rikonċiljazzjoni, għallinqas temporanja, biex jiġi salvat il-pajjiż, bħalma qal li xtaq Napolitano.

Għalhekk qed  ngħid li jekk il-poplu mhux se jingħata d-dritt li jivvota llum qabel għada, għall-Italja jekk m'hemmx dilluvju, żgur li riesaq żmien ta' instabbilità li tistà  veru twassal għal baħar imqalleb.

"Sangue e lacrime", demm u dmugħ hemm lest għat-Taljani – dak li kienu lesti jfixklu kemm jifilħu fil-Parlament b'emendi u kontra-emendi għall-budget imsejjaħ Maxiemendamento b'dak li trid l-UE, iżda li, għax Berlsuconi wiegħed li kien se jwarrab malli dan jgħaddi, issa ivvutawlu kollha  mingħajr emendi.

Qal sewwa illum Vittorio Sgarbi – li mhux l-ewwel darba kkritika lill-gvern ta' Berlusconi – li b'riferenza għal dawk li marru jiffesteġġaw u jinsultaw għax ħelsu minnu, malli jindunaw li lanqas il-gvern Monti mhu se jirnexxielu jsolvi l-problemi kif riedu, u ma ħallewx lil Berlusconi jsolvi, fi żmien qasir se jibku lil Berlusconi ... imbagħad ikun jerġà imiss lilu li jidħak.

JUM TA' LIBERAZZJONI MINN XIX?

Il-Kap tad-Demokratiċi l-post-Komunista Bersani kellu l-wiċċ iqabbel il-jum tal-bieraħ wara li rriżenja, kif kien wiegħed, Berlusconi, mal-25 ta' April, ċelebrat mit-Taljani bħala jum il-liberazzjoni min-NażiFaxxiżmu. Imma jum il-ħelsien minn xix?

Berlusconi u l-gvern tiegħu, kif bdejt ngħid, ġie vvutat b'maġġoranza assoluta mill-poplu fl-2008. Maġġoranza li sfat imdajfa mill-Ġuda Fini u 32 deputati u 10 senaturi li ħarġu mill-grupp tal-Popolo della Libertà. Dak l-istess Fini li kien qal li lest jirriżenja mill-kariga ta' Speaker tal-parlament minuta wara li Berlusconi jagħmel l-istess, iżda li sakemm qed  nikteb għadu mwaħħal mas-siġġu.

Berlusconi warrab biex iżomm il-wiegħda li għamel nhar il-Ħamis, u żgur li mhux għax jaħti għas-sitwazzjoni ekonomika li tinsab fiha l-ekonomija tal-pajjiż.

Din, l-ekonomija Taljana, kienet ilha sejra lura għexiren ta' snin meta Berlusconi leħaq prim ministru. Imma tul it-tmexxija tiegħu beda jsir progress sakemm il-gvern kellu l-maġġoranza assoluta. Iżda mbagħad wasal it-tradiment ta' Fini, u faqqgħet wkoll il-kriżi finanzjarja-ekonomika globali.

Minkejja dan id-defiċit għall-2011 kien mistenni jinżel għal 4% tal-Prodott Gross Domestiku, wieħed mill-iżgħar fl-Ewropa, u terz inqas mill-medja tal-34 pajjiż tal-OECD (il-'klabb' tal-pajjizi sinjuri).

Skond id-Deutche Bank, mbagħad, dan mistenni jkompli niżel għal 2.2%. Mhux ħażin meta naraw li d-defiċit tal-Istati Uniti mistenni jlaħħaq 6.2% fl-2012, dak tal-Brittanja 6.9%, u ta' Franza u Spanja 5 fil-mija.

L-Italja għandha primary budget surplus (jiġifieri l-gvern idaħħal aktar milli jonfoq, kieku titnaqqas l-ispiża tal-imgħax fuq id-dejn). Id-dejn privat huwa baxx. Il-familji Taljani ġeneralment ma jonfqux aktar milli jdaħħlu, u l-ipoteki huma rari.

Dik tal-Italja hija ekonomija diversifikata u ma kellhix kriżijiet fil-housing bħal dawk li farrku lill-Istati Uniti, Spanja u l-Irlanda. Hija s-seba' l-ikbar ekonomija fid-dinja, f'pajjiż sinjur ħafna skond li-standards globali, bil-Financial Times dan l-aħħar tirraporta li valur medju ta' kull familja huwa €350,000; biżżejjed biex l-Italja ssalva lilha nfisha.

L-ikbar problema hija d-dejn nazzjonali, 120% tal-Prodott Gross Domestiku. Agħar minn hekk l-Italja trid toħroġ €233 Biljun  f'bonds is-sena d-dieħla, bil-yield jilħaq is-7.4%.

Imma ta min ifakkar li d-dejn nazzjonali ilu mill-inqas 20 sena jaqbeż l-100 fil-mija u ħadd ma deher qed jinkwieta żżejjed.

Iżda Berlusconi ma riedx li l-Italja ssir skjava tal-Ġermanja b'miżuri ta' awsterità li qed joqtlu l-ekonomija Griega u jagħmlu ħsara kbira lil Spanja, Portugall, Irlanda u Brittanja.

Aktar ma tnaqqas fl-infieq aktar se jonqos it-tkabbir tal-pajjiż, bil-konsegwenti tkabbir tal-kriżi tad-dejn nazzjonali.  Hawnhekk żgur ħadd ma jistà jgħid li Berlusconi għamel inqas minn ħaddieħor fiż-żona tal-Ewro biex jikkontrolla d-dejn.

Dan minkejja t-tfixil minn min kellu madwaru u telqu, u mill-oppożizzjoni uffiċjali, oppożizzjoni distruttiva għax ad personam, bħalma issa ġie ippruvat malli rajnihom "jimmansaw" wara li warrab Berlusconi.

Imma l-problema hija: KEMM SE JDUMU mansi, malli jibdew jirrealizzaw li l-mediċina Monti hija mediċina, qarsa, anki jekk issa mhux qed ikun iressaqha Berlusconi.

Imbagħad,  hawn naqbel ma' Sgarbi, veru jkun każ ta' min jidħak l-aħħar jidħak l-aħjar. 

Kieku t-Taljani jivvutaw illum (2)

ĊENTRU LEMIN 47.8% ; XELLUG 46.2%; INDEĊIŻI 39.6%

Għal darb'oħra, bħalma kien għamel lejn tmiem ix-xahar l-ieħor, fil-programm popolari tiegħu Porta a Porta tal-bieraħ Bruno Vespa nkluda r-riżultati ta' stħarriġ tal-opinjoni pubbliku minn tlett istituti ta' riċerka dwar kif jivvutaw it-Taljani fl-elezzjoni bikrija li trid issir dalwaqt.
Minn dan jerġà jirriżulta li l-elettorat Taljan jinsab maqsum kważi minn nofs eżatt, b'vantaġġ żgħir għall-partiti taċ-ĊentruLemin fuq dawk tax-Xellug: 47.8% kontra 46.2%. Iżda tajjeb wieħed jinnota wkoll li fost dawk li wieġbu lit-tlett istituti kien hemm persentaġġ għoli ta' 39.6% li għażlu li ma jwieġbux għax għadhom indeċiżi lil min se jivvutaw u jekk jivvutawx.
Dawn huma r-riżultati tas-sondaggi magħmula minn Ispo Srl, Ipr Marketing u EuroMedia Research li hawnhekk ġbart il-medja tagħhom:

ĊENTRU-LEMIN
Popolo della Libertà: 25.7%; Lega Nord: 8.0%; La Destra: 1.9% = 35.6%
Unione di Centro (UDC): 6.9%; Futuro e Libertà (FLI) : 3.7%; All. per l'Italia+Mov. per le Autonomie: 1.7% = 12.4% (miġbura fin-Nuovo Polo per l'Italia/Terzo Polo)
Total: 47.8%


XELLUG
Partito Democratico: 27.1%; Italia dei Valori (IdV): 7.2% = 34.4%
Sinistra e Libertà: 7.0%; Rifondazione Comunista: 1.8%; Pannella/Bonino: 1.3%; Partito Socialista: 0.7%; Verdi: 0.8% 
Total: 46.2%
Movimento 5 Stelle-Grillo: 3.6%.


Dwar id-39.6% indeċiżi x'se jagħmlu ta min wieħed jgħid li dawk li intervistawhom staqsewhom lil  min kienu vvutaw fl-aħħar elezzjoni tal-2008: 65% minnhom wieġbu li kienu vvutaw lil xi partit taċ-ĊentruLemin, li dawn jissarfu f'madwar 22% favur dawn il-partiti, kemm-il darba dawn fl-aħħar  mill-aħħar jiddeċiedu li jmorru jivvutaw u jerġgħu jivvutaw lill-istess partiti.
Ta min jinnota wkoll li terz tal-elettorat fl-Italja jiddeċiedi lil min se jivvota matul il-kampanja elettorali, u mhux qabel.
Fl-aħħarnett infakkar li dawn is-sondaggi jagħtu biss indikazzjoni, ħjiel, lejn fejn hu mxaqleb l-elettorat, u mhux bilfors li l-iskjeramenti t'hawn fuq jissarfu f'koalizzjonijiet qabel jew wara eventwali elezzjoni, speċjament fejn jirrigwardja lill-partiti tax-Xellug.
Infatti skond ma ħareġ mid-dibattitu tal-bieraħ, xejn m'hi ħaġa ċerta li, per eżempju, s-Sinistra e Libertà (SEL) u Rifondazione Comunista jiġu aċċettati f'xi koalizzjoni mal-Partito Democratico għall-elezzjoni. Minħabba li mhux żgur jaqbeż l-4% meħtieġa f'voti, il-moviment ta' Grillo, li mistenni jikkontesta għal rasu ma jikseb l-ebda siġġu. B'hekk ix-Xellug fil-fatt ikollu siġġijiet ekwivalwenti għal biss 42% tal-voti (PD+IdV+Soċjalisti+Pannella f'koalizzjoni elettorali, u s-SEL).
Dan, naturalment, jgħodd ukoll għall-partiti taċ-ĊentruLemin. Huwa għalhekk li Casini, Fini, Rutelli, u l-Movimento per le Autonomie  diġà ingħaqdu f'koalizzjoni, Nuovo Polo per l'Italia jew Terzo Polo, għax f'dan il-każ ikun biżżejjed li partit jikseb 2% tal-voti biex jirbaħ siġġijiet, basta l-koalizzjoni sħiħa tikseb 10% jew aktar tal-voti. 

Stabbilità fl-Italja (4)

"L-EWWEL U FUQ KOLLOX L-INTERESS TAL-PAJJIŻ"

"Jekk isir kollox kif suppost, fi Frar li ġej immorru nivvutaw, avolja dejjem irid ikun il-President tar-Repubblika li jiddeċiedi. Naraw kif se jkun il-finali. Minn naħa tiegħi poġġejt l-interess tal-pajjiż fuq dak tiegħi personali, tal-gvern tiegħi u dak tan-naħa politika tiegħi".
Hekk ikkummenta dalgħodu l-Prim  Ministru Taljan Silvio Berlusconi waqt il-Giornae Radio 1 tar-Rai wara li l-bieraħ, waqt laqgħa mal-President Napoletano, b'sorpriża qallu li hu kien lest biex, wara li l-gvern iżomm kelmtu mal-Ewropa u jgħaddi l-Liġi ta' Stabbilità fil-parlament, jirriżenja u jitlob lill-President biex isejjaħ elezzjoni  bikrija għal Frar li ġej.
Din kienet deċiżjoni sorpriża għax ħafna kienu dawk li kienu qed jistennewh jitlob vot ta' fiduċja fil-parlament, vot li probabbli kien jikkonvinċi lil uħud minn dawk li l-bieraħ astjenew fil-vot dwar ir-rendikont finanzjarju tal-pajjiż, din id-darba jivvutaw favur il-fiduċja.
Jidher, però, li l-Prim Ministru xeba' bil-kapriċċi ta' uħud minn dawk li hu kien għażel personalment biex jilħqu deputati, li meta jfettlilhom jinsew il-lealtà li għandhom lejn min ivvutalhom – biex ma ngħidx ir-rikonoxxenza lejn l-istess PM – u bħal Ġuda, tradituri (bħalma sejħilhom hu) jmorru kontra d-dixxiplina tal-partit li ħarġu u telgħu miegħu.
Fil-programm Mattino 5 ta' Canale 5 Berlusconi ħabbar ukoll li għalkemm mhux se jirtira għal kollox mill-politika, għallinqas tul il-kampanja elettorali li ġejja – hu mhux se jerġà jikkontesta  u floku fit-tmexxija tal-Popolo della Libertà u bħala futur Prim Ministru, se jkun hemm is-Segretarju tal-PdL Angelino Alfano.
Għalkemm l-aħħar kelma tkun tal-President tar-Repubblika, l-Prim Ministru qal li l-unika triq li fadallu hija elezzjoni bikrija, biex ikun il-poplu li jiddeċiedi min għandu jmexxih f'dawn iż-żminijiet diffiċli, u mhux xi gvern tekniku, provviżżorju, jew ta' xi koalizzjoni nazzjonali, li tmur kontra l-verdett li l-maġġoranza tal-poplu fl-aħħar elezzjoni li riedet gvern ĊentruLemini.
Dan apparti li l-Partit Democratico fl-oppożizzjoni diġà kien qal li ma jaqbilx mal-programm ta' riformi liberali li qed tesiġi mill-Italja l-Unjoni Ewropea biex jitnaqqas id-dejn tal-pajjiż.
Barra minhekk ma jistà jiġi ffurmat l-ebda gvern mingħajr is-sehem tal-PdL.
Għalhekk Berlusconi qed jinsisti li l-ewwel jgħaddi l-liġi ta' stabbilità bil-miżuri ekonomiċi-finanzjarji-soċjali anti-kriżi li l-gvern tiegħu wiegħed lill-UE fl-ittra li bagħat aktar kmieni dax-xahar, u mbagħad il-partiti Xellugin fl-Oppożizzjoni waqt il-kampanja elettorali jkollhom jispjegaw lill-poplu x'se jagħmlu b'dik il-Liġi ta' Stabbilità b'miżuri fuq il-pensjoni, l-liberalizzazzjoni u s-suq tax-xogħol, li jekk jiksruha, jiksruha wkoll mal-Ewropa, u l-Italja tispiċċa bħal Spanja, l-Irlanda u l-Greċja.
Iżda dan diffiċli jseħħ, għax ix-Xellug, issa li se jkun spiċċalhom l-uniku element li kien qed jgħaqqadhom, ċjoè l-"anti-Berlusconismo", mhux kapaċi jifforma gvern alternattiv għal wieħed Ċentru-Lemini, filwaqt li kull stħarriġ tal-opinjoni pubbliku għadu qed juri li l-maġġoranza tal-elettorat Taljan tippreferi l-partiti taċ-ĊentruLemini.

IL-POPOLO DELLA LIBERTÀ L-EWWEL PARTIT

Infatti, l-aħħar stħarriġ li sar mill-Istituto Ispo ta' Renato Mannheimer ħmistax ilu (24 ta' Ottubru) għall-ewwel darba f'dawn l-aħħar xhur, poġġa lill-Popolo della Libertà fl-ewwel post tal-preferenzi tal-elettorat Taljan, b'26.4% fuq il-25.9% tal-Partito Democratico.

Il-partiti l-oħra taċ-ĊentruLemin jiksbu bejnithom 22.3% maqsumin hekk:

Lega Nord (Bossi) : 8.7%; UDC (ta' Casini): 6.9; FLI (Fini): 5.2%; La Destra (Storace): 1.5%.

Dan ifisser li ċ-ĊentruLemin jikseb 48.7%, bil-PdL waħdu jingħata l-hekk imsejjaħ "premio di maggioranza" jiġifieri maġġoranza ta' siġġijiet fil-parlament, jekk jikseb is-26.4% tal-voti.

Mill-banda l-oħra l-Partito Democratico flimkien mal-partiti l-oħra Xellugin (Italia dei Valori-Di Pietro, Sinistra e Libertà (Vendola), Movimento 5 Stelle (Grillo) u Rifondazione Comunista) jiksbu 45.5%.

Dan meta 5.8% ta' dawk li wieġbu s-sondaġġ qalu li kienu se jivvutaw lill-partiti oħra, li ħadd minnhom ma jikseb imqar 1 fil-mija.

Stabbilità fl-Italja (3)

IL-GVERN JIRBAĦ VOT IMPORTANTI

Minkejja l-istampa li għal darb'oħra l-media internazzjonali u anki dik lokali li, bħas-soltu tirrepeti bħall-pappagalli dak li dik tirraporta, il-gvern Taljan ma tilifx il-maġġoranza fil-Parlament Taljan għas-sempliċi raġuni li l-vot li ttieħed illum wara nofsinhar ma kienx wieħed ta' fiduċja fl-istess gvern, u l-oppożiżżjoni Xellugija m'għandhix voti iżjed fil-parlament mill-koalizzjoni  Ċentru-Leminija fil-gvern immexxija mill-Prim Ministru Silvio Berlusconi.
Il-vot kien, iva, wieħed importanti, fiskali, għax jittratta l-budget, ir-rendikont finanzjarju għall-2010.  L-Oppożiżżjoni u xi deputati oħra ma daħlux jivvutaw biex fil-parlament ma kienx ikun hemm kworum. Iżda reġà għarralhom għax il-maġġoranza assoluta tad-deputati tal-partiti fil-koalizzjoni governattiva marru jivvutaw u vvutaw favur il-mozzjoni.

Dawn huma n-numri, bħalma jidher fir-ritratt:

Prezenti: 309 deputati 

Ivvutaw:   308 ; Astjena : 1

MAĠĠORANZA NEĊESSARJA:  155

FAVUR: 308

KONTRA:  ĦADD

Dan  ifisser li l-vot fiskali importanti għadda b'vantaġġ ta'  153 VOT (308-155=153) !!

Barra minhekk kien hemm deputat tal-PdL marid u iehor li wasal tard u ddikjara li ried jivvota "Iva".

Fil-votazzjoni ta' fiduċja li saret f'nofs Ottubru l-gvern kien rebaħ  bi 316-il vot. Illum dawn naqsu b'sitta u wieħed astjena, iżda dan ma jfissirx li se jagħmlu l-istess f'każ ta' vot ġdid ta' fiduċja fil-gvern Taljan. Għalhekk huwa żbaljat jew irid iqarraq min  jgħid li llum l-gvern Taljan tilef il-maġġoranza fil-parlament.

MHUX VERU lanqas, kif ġie rappurtat illum ukoll, li Bossi qal lil Berlusconi biex iwarrab!

Il-fatti huma li għal domanda ta' xi ġurnalist jekk hu jkunx favur Alfano bħala Prim Ministru f'każ li Berlusconi jirriżenja, Umberto Bossi wiegeb b'mod ironiku:

"U jekk le lil min inpoġġu? Lis-Segretarju tal-Partito Democratico (Bersani)?!"

Aktar qabel għal mistoqsija oħra jekk l-Lega talbitx lil Berlusconi biex jagħmel "un passo indietro (i.e. jirriżenja), Bossi kien wieġeb bl-istess ironija "gli abbiamo chiesto di fare un passo di lato, laterale"!

Persekuzzjoni Politika fl-Ukrajna (5)

TIMOSHENKO TAPPELLA LILL-U.E. BIEX XORTA TIFFIRMA L-FTEHIM TA' ASSOĊJAZZJONI MAL-UKRAJNA

Poster li jinsisti għall-ħelsien ta'  Timoshenko

F'appell twil li l-Kap tal-Oppożizzjoni Julia Timoshenko rnexxielha tibgħat mill-ħabs fejn tinsab maqfula wara sentenza politika mir-reġim fl-Ukrajna, hi appellat lill-Unjoni Ewropea biex xorta waħda tfittex tiffirma l-Ftehim ta' Assoċjazzjoni mal-Ukrajna minkejja s-sentenza ta' ħabs kontriha, wara li l-Parlament Ewropej l-ġimgħa l-oħra wissa' lill-President Ukren Yanukovich li jekk Timoshenko ma tinħelisx mill-ħabs, dan kien jipperikola l-iffirmar ta' ftehim mal-UE.
Timoshenko appellat biex l-UE  ma ċċaħħadx l-ħolma ta' miljuni ta' żgħażagħ Ukrajni li jinfatmu mill-imgħoddi ikraħ tal-imgħoddi billi jsiru ċittadini tal-Ewropa ħielsa; "Tiffrustrawx il-ħolma tagħhom; tikkastigawx lilhom għad-delitti tar-reġim tal-Ukrajna".
"Illum qed nitlobkom biex tiffirmaw il-Ftehim ta' Assoċjazzjoni u l-Kummerċ Ħieles ikun xi jkun id-destin tiegħi. Ma njstax inħalli l-libertà personali tiegħi tkun ir-raġuni għat-tmiem tal-ħolma Ewropea tal-poplu Ukrajn."
Timoshenko temmet l-appell tagħha b'dawn il-kelmiet:
...I finished writing this address to you in my cell, in the evening. Somewhere outside these prison walls the sun is setting. But I know for sure that it will rise again over my dear Ukraine. And this will be the sun of freedom, dignity and greatness for a free people deserving of a future in a united and free Europe. Vote and ratify the Agreement with Ukraine; it will be our common victory over authoritarianism.
Aqraw l-ittra sħiħa ta' Timoshenko hawnhekk: http://www.tymoshenko.ua/en/article/zacx2w36

Climategate Part 2

JAĦBU L-FATT LI D-DINJA M'GĦADHIEX TISĦON

Ftit aktar inqas sentejn ilu kien faqqa' skandlu fil-kamp internazzjonali xjentifiku li sar magħruf bħala Climategate li minnu sar  magħruf li xi xjenzjati fil-Climate Research Unit (CRU) tal-Università ta' East Anglia fl-Ingilterra kienu jimmanipulaw u jaħbu data fir-riċerki tagħhom ħalli jsostnu t-teżi li huwa l-bniedem li jaħti għat-tisħin tal-globu, tad-dinja.
L-istess ħaġa sar dan l-aħħar, din id-darba fl-Istati Uniti, bħalma sar magħruf illum, minn rapport ippubblikat fil-Mail on Sunday tal-Ingilterra.
L-istorja bdiet il-ġimgħa l-oħra meta team ta' riċerkaturi mill-Berkeley Earth Surface Temperatures (BEST) immexxi mill-Professur Richard Muller fl-Università ta' Berkeley f'Kalifornja ppubblikaw riċerka li skond huma turi li l-pjaneta tagħna saħnet b'mill-inqas grad ċentigradu mill-1950, u qed tkompli tisħon.
Dan ir-rapport – li ġie pubblikat ftit ġimgħat qabel man-Nazzjonijiet Uniti terġà tlaqqa' summit ieħor dinji dwar il-klima, din id-darba f'Durban, fl-Afrika t'Isfel – ġie ikkwotata fid-dinja kollha bħala prova, li ħadd ma jistà imeriha, li huma biss aktar miżuri biex jitnaqqsu l-emissjonijiet tas-CO2 li jsalvaw iċ-ċiviltà tagħna kif nafuha, u li għalhekk ħadd ma jista jkun aktar xettiku dwar din il-ħaġa.
Iżda llum l-Mail on Sunday svelat li membru ewlenija tat-team ta' Muller akkużatu li qed jipprova jqarraq bil-pubbliku billi jaħbi l-fatt li l-istess riċerka tal-BEST turi li d-dinja m'għadhiex tisħon.
Il-Professoressa Judith Curry, Chairperson tal-Department of Earth and Atmospheric Sciences fil-prestiġġjiuż Georgia Institute of Technology, sostniet li l-pretesa tal-Prof Muller li b'hekk ipprova li x-xettiċi dwar it-tisħin tal-globu huma żbaljati, hija wkoll 'żball kbir' , mingħajr bażi xjentifika.
Fl-intervista mal-Mail on Sunday hi qabblet dan il-każ mal-iskandlu famuż Climategate.
L-istess bħax-xjenzjati Ingliżi tas-CRU , il-kollegi ta' Curry fil-proġett BEST qed jippruvaw jaħbu t-tnaqqis fir-rati tat-tisħin tal-globu.
Infatti, l-Prof Curry qalet, l-istess data tal-BEST  turi li mit-tmiem tas-Snin Disgħin ma kienx hemm żjieda fit-temperaturi tal-pjaneta tagħna.

Graff li juri li t-temperaturi tad-dinja m'għolitx f'dawn l-aħħar 10 snin
skond data ta' università ta' Kalifornja, data li ppruvaw jaħbu

Imma graff li ħareġ il-BEST juri li suppost li d-dinja baqgħet tisħon kontinwament.
Iżda rapport pubblikat illum fuq is-sit tal-Global Warming Policy Foundation jinkludi graff bit-temperatura medja globali ta' dawn l-aħħar għaxar snin, mislut mill-istess data tal-proġett tal-BEST, li t-temperatura baqgħet dejjem fl-istess livell – dan minkejja li l-livelli tas-CO2 fl-atmosfera  baqgħu jogħlew kontinwament.
Dan imur kontra dak li bassru mudelli tal-klima li fuqhom studjaw xjenzjati sal-lum. "Dak li qed jiġri hawnhekk ma jidhirx li huwa dominat mis-CO2", sostniet il-Prof Curry.
Meta kkuntattjat il-Prof Muller ammetta li veru li d-data tal-BEST turi li t-temperaturi tad-dinja ma għolewx f'dawn l-aħħar 13-il sena, iżda skond hu dan jistà ma jkunx 'statistikament sinifikanti', għalkemm, żjied, jista' ikun li hu sinifikanti – stqarrija li ħawwdet lix-xjenzjati!
Il-Prof Curry kompliet tgħid lil Mail on Sunday li Muller qabad u xandar riċerka li għadha ma ġietx verifikata u konfermata (peer reviewed) kif suppost isir, minn esperti oħra fil-qasam.
Għalhekk, għalkemm  Muller jiċħad dan, is-suspett huwa li hu ppubblika r-riċerka, anzi parti mir-riċerka tal-BEST, in viżta tas-summit tan-NU – biex jinfluwenza l-opinjoni pubbliku u lid-delegati li se jattendu, biex forsi fl-aħħar jilħqu ftehim dwar xi protokoll ġdid minflok dak fallut ta' Kjoto, u li s'issa sar kemm-il summit simili, għalxejn.
B'xorti tajba, iżda, anki din id-darba kien hemm xi ħadd ta' kuxjenza li, bħal fl-ewwel Climategate, leħaq kixef il-qerq!

Persekuzzjoni Politika fl-Ukrajna (4)

QBIL BEJN IL-PPE U L-PSE FIL-PARLAMENT EWROPEW KONTRA S-SENTENZA TA' ĦABS LIL TIMOSHENKO

Kontra dak li soltu kien jiġri f'riżoluzzjonijiet dwar l-Ukrajna, fil-Parlament Ewropew illum kien hemm qbil bejn l-ikbar żewġ gruppi, dak tal-Partit Popolari Ewropew u tal-Partit Soċjalista Ewropew dwar riżoluzzjoni twila ta' kundanna għas-sentenza ta' seba' snin ħabs li nagħtat il-Kap tal-Oppożizzjoni fl-Ukrajna Julia Timoshenko u meqjusa bħala motivata politikament f'persekuzzjoni sistematika tal-oppożizzjoni mill-gvern awtoritarju xellugi pro-Russja tal-President tar-Repubblika Viktor Yanukovich.
Ir-riżoluzzjoni tal-Parlament Ewropew tinsisti li Timoshenko għandha titħalla teżerċita d-dritt tagħha li tieħu sehem b'mod sħiħ fil-proċess politiku minn issa u fl-elezzjonijiet li ġejjin fl-Ukrajna.
Id-deputati taż-żewġ naħat tal-Parlament Ewropew jaqblu li s-sentenza kontra Timoshenko hija ksur tad-drittijiet umani u l-liġi li ntużat kontriha tmur lura għal żmien l-era Komunista Sovjetika li m'hemmx lokha f'pajjiż li qed jaspira li jingħaqad fl-Unjoni Ewropea.
Għalhekk dawn jesiġu li l-eks Prim Ministru tiġi żgurata proċess legali fier, trasparenti u imparzjali fl-appell.
Il-Parlament Ewropew iħoss li jekk Timoshenko ma tinħelisx, dan ifixkel il-konklużjoni tal-Ftehim ta' Assoċjazzjoni mal-Unjoni Ewropea li suppost għandu jiġi ffirmat sa' tmiem din is-sena, u għal kuntrarju jbiegħed lill-pajjiż il-bogħod mill-UE, anki fid-dawl tat-tnaqqir tal-libertajiet demokratiċi, u l-użu tal-istituzzjonijiet statali għal skopijiet partiġġjani u vendetta politika.
Qabel għaddiet din ir-riżoluzzjoni, fl-Ukrajna dan l-aħħar inbdiet kampanja bl-iskop li l-poplu jiġi konvint li l-Unjoni Ewropea ma trudx lill-Ukrajna tissieħeb fiha, u li allura l-gvern ma kellux triq oħra għajr li ddur lejn ir-Russja.
Imma r-riżoluzzjoni tal-Parlament Ewropew tgħid li t-tisħiħ tar-relazzjonijiet bejn l-UE u l-Ukrajna u l-offerta lill-Ukrajna ta' perspettiva Ewropea huma fl-interess taż-żewġ naħat, basta l-Ukrajna tirrispetta l-kriterja kollha tal-prinċipji tad-demokrazija, drittijiet umani, libertajiet fundamentali u s-saltna tal-Liġi jiġu rispettati. Il-PE jitlob lill-Kunsill u Kummissjoni Ewropea biex jiffissaw data ġdida għal-laqgħa mal-President Yanukovich , wara li dik ippjanata dan ix-xahar tħassrtet bħala sinjal ta' protesta kontra s-senetnza li nagħtat lil Timoshenko.
Fi tweġiba l-lejla l-President Yanukovich kkonferma li l-pożizzjoni tiegħu għadha li l-Ftehim ta' Assoċjazzjoni li se jiġi ffirmat f'Diċembru għandu jwassal għat-tisħib sħiħ fl-UE, u li l-Ukrajna hija fit-triq li twettaq riformi ħalli ttejjeb is-sitwazzjoni, iżda dan mhuwiex proċess ta' malajr.
Tistgġu taqraw ir-riżoluzzjoni kollha hawnhekk:http://www.europarl.europa.eu/sides/getDoc.do?pubRef=-//EP//TEXT+MOTION+P7-RC-2011-0543+0+DOC+XML+V0//MT