Elezzjoni Kurjuża fil-Kosovo

 Gvern li kien waqqa’ lilu nnifsu

Illum qed issir elezzjoni kurjuża fil-Kosovo. Hemmhekk tressaq vot ta’ sfiduċja, minn partit fl-oppożizzjoni. Din xejn ma hija ħaġa ġdida. Il-kurjuża hija li l-istess gvern tal-Kosovo appoġġa, kważi ‘organizza’ il-waqgħa tiegħu, li wasslet għal elezzjoni bikrija li l-partit fil-gvern ried b’qawwa kbira.

Tgħid l-elezzjoni tal-lum se twassal għal soluzzjoni
finali tal;-problemi filp-Kosovo jew se tkompli
taggravhom?

Wara li ntemmet il-gwerra għall-indipendenza tal-Kosovo (bi 92 tal-popolazzjoni Albaniża) mis-Serbja u l-pajjiż beda jiġi ggvernat minn Nazzjonijiet Uniti, bit-tama li tinstab soluzzjoni għall-awtonomija tal-Kosovo. Meta s-Serbja appoġġjata mir-Russja m’aċċettatx il-pjan tal-NU li miegħu qablu l-Unjoni Ewropea u l-Amerika, il-Kosovari fl-2008 iddikjaraw il-pajjiż repubblika. Wara li n-NU irreferit l-każ lilha, f’Lulju li għadda l-Qorti Internazzjonali tal-Ġustizzja ssentenzjat li d-dikjarazzjoni ta’ indipendenza tal-Kosovo ma kenitx tmur kontra l-Liġi Internazzjonali. Il-pajjiż s’issa ġie rikonnoxxut minn 73 pajjiż, inkużi dawk tal-Unjoni Ewropea fosthom Malta, għajr għal Spanja u l-Greċja.

F”Settembru s-Serbja aċċettat li tibda taħditiet uffiċjali mal-Kosovo għal soluzzjoni finali, wara li ġiet imwissija li jekk ma tagħmilx dan ma kienx se jsir aktar progress lejn is-sħubija tas-Serbja fl-Unjoni Ewropea.

Aktar pajjiżi kienu lesti jirrikonoxxu l-pajjiż, iżda din l-aħħar krizi politika fil-pajjiż waqqfet dan kollu, għax iddgħajjef il-pożizzjoni ta’ Kosovo intabbli, ħtija ta’ klassi politika mhux matura biżżejjed.

Iżda kif bdiet din il-kriżi? Kollox beda meta l-President tar-Repubblika Fatim Sejdiu kellu jirriżenja f’Settembru li għadda meta nstab li hu mhux suppost baqà kap tal-partit tiegħu, il-Lega Demokratika (LDK). Ħaġa li hu qal li ma kienx jaf li ma setgħax jagħmel, u li effettivament hu ma kienx baqa’ jeżerċita l-kariga ta’ mexxej tal-partit.

L-għada l-LDK, Ċentru-Lemini, ħabbar li ma kienx se jibqà jagħmel parti mill-gvern ta’ koalizzjoni maċ-Ċentru-Xellugi Partit Demokratiku (PDK) tal-Prim Ministru Hashim Thaci.

Hawnhekk it-tielet l-ikbar partit, l-Alleanza Ġdida tal-Kosovo (AKR), Ċentrista Liberali, ressaq mozzjoni ta’ vot ta’ sfiduċja fil-gvern …li iżda ġiet appoġġjata wkoll mill-istess partit tal-Prim Ministru Thaci!

Skond l-aktar ġurnal popolari, Koha Ditore “imkien fid-dinja ma kien hemm gvern li waqqa’ lilu nnifsu u talab li dan jinbidel. Fil-Kosovo biss setgħat tiġri ħaġa bħal din.”

Iżda l-PDK jidher fiduċjuż li jerġà jirriżulta l-ikbar partit wara l-elezzjoni ta’ għada, l-ewwel waħda minn meta l-Kosovo ddikjara l-indipendenza. X’aktarx li din id-darba jipprova jifforma gvern ma’ proprju mal-AKR li ressaq il-mozzjoni ta’ sfiduċja u li kien twaqqaf mill-ikbar sinjur Albaniż fid-dinja, Behgjet Pacolli.

Mil-banda l-oħra l-LDK ma tantx kien ferħan b’din l-elezzjoni bikrija għax, fost raġunijiet oħra, sostna li l-kampanja elettorali kienet qasira wisq, u l-partit qatt ma kien favur il-mozzjoni ta’ sfiduċja fil-gvern.

Minn meta fl-2006 miet il-kap-fundatur Ibrahim Rugova, mexxej storiku tal-ġlieda paċifika għall-indipendenza tal-Kosovo, l-LDK baqà ma ħax ruħ. Il0-prtit inqsam f’Ottubru b’eks ministru u iben Rugova, Uke, jiffurmaw lista ċivika msejħa  ‘LDK-Ibrahim Rugova’ u jikkontestaw l-elezzjoni.

F’Novembru mbagħad saret l-elezzjoni għall-kap fejn post l-eks President tar-Repubblika Sejdiu ħadu s-sindku tal-belt kapitali Pristina, Isa Mustafa, u li permezz tiegħu l-partit qed jittama li jieħu vantaġġ mill-popolarità tiegħu.

Fost il-partiti l-oħra li qed jikkontestaw hemm tlieta taċ-Ċentru-Lemin: l-Alleanza għall-Futur tal-Kosovo (AAK), il-Partit Demokratiku Kristjan Albaniż (PSHDK) u l-Lega Demokratika tad-Dardanja (LDD), magħmul minn deputati li kienu telqu mill-LDK.

Dawn, flimkien mal-LDK u l-AKR fl-aħħar elezzjoni bejnithom kisbu 44.5% tal-voti, kontra l-34.3% li kien kiseb il-PDK. Iżda jekk ma jingħaqdux fi front wieħed, bħal f’pajjiżi oħra, u minflok jinqasmu aktar, din is-saħħa ma tfisser xejn, u jirbaħ ix-Xellug.

Dan qed jitgħallmuh l-qawwiet politiċi kollha li ma jridux lix-Xellug fil-gvern, ikun ta’ liema sura jkun, aħmar, roża, aħdar jew bħad-dulliegħ (minn barra ħadra izda minn ġewwa ħamra), u waħdu jew f’koalizzjoni mal-vojt ideoloġiku taċ-ċentristi, li jew jispiċċaw maħkuma mix-xellug, jew inkella inevitabilment ma “jsaddux”, bi kriżi governattiva wara oħra. U fil-Kosovo?