Il-Kriżi Parlamentari fl-Italja(2)

BERLUSCONI JIKSEB IL-FIDUĊJA  FIL-PARLAMENT

Wara li dalgħodu kiseb il-vot ta' fiduċja fis-Senato b'maġġoranza ikbar milli mistennija, nofs siegħa ilu tħabbar ir-riżultat fil-votazzjoni tal-Camera dei Deputati fejn il-gvern Ċentru-Lemini hemmhekk ukoll kiseb il-fiduċja, bi 314 vot favur u 311 kontra.
Dan ifisser li l-gvern ta' Silvio Berlusconi, wara l-vot ta' fiduċja li kien kiseb f'Settembru li għadda (bil-voti favur ukoll tad-deputati ta' Fini li kienu ħarġu mill-Popolo della Libertà), reġà kiseb il-fiduċja tal-Parlament, minkejja li din id-darba d-deputati Finjani vvutaw kontra, apparti tlieta li vvutaw favur il-vern, Gianpiero Catone, Maria Grazia Squillini u Catia Polidori (li minħabba f'hekk ġiet mgħajjra u attakkata fl-awla minn deputati tal-oppożizzjoni), filwaqt li ieħor, Silvano Moffa astjena.

Deputati tal-gvern jifirħu u jxejru bnadar tal-Italja wara
l-vot ta' fiduċja. Fini ma felaħx u għalaq is-seduta!

Anki barra l-bini tal-parlament kien hemm il-vjolenza meta għadd ta' dimostranti, suppost studenti, iżda fil-fatt is-soliti anarkiċi, radikali u estremisti xellugin attakkaw il-pulizija u ppruvaw jinvadu s-Senat.


L-ikbar tellief huwa żgur l-eks alleat ta' Berlusconi u ko-fundatur tal-ikbar partit Popolo della Libertà, Fini li pprova jwaqqa' l-gvern taċ-ĊentruLemin li l-poplu kien tellgħu bħala kandidat fi ħdan l-istess PdL, u ma rnexxielux, u li issa l-irġulija titlob li għallinqas jirriżenja mill-kariga ta' Speaker tal-Camera, jekk mhux mill-parlament ukoll.